: हङकङमा सम्पन्न भएको हङकङ सिक्सेस २०२५ को सर्वाधिक रनकर्ता र सर्वाधिक विकेट लिने खेलाडीमा नेपालका दुई खेलाडी परेका छन्। नेपालका ओपनर ब्याटर सन्दीप जोरा प्रतियोगिताको सर्वाधिक रनकर्ता बनेका छन्। उनले ५ खेलमा १ अर्धशतकसहित १७६ रन बनाएका छन्।
त्यस्तै, सर्वाधिक विकेट लिने खेलाडीमा नेपालका बलर रासिद खान रहेका छन्। उनले ५ खेलमा ९ विकेट लिएका छन्। उनले समूह चरणको पहिलो खेलमा अफगानिस्तानसँग ह्याट्रिकसहित ४ विकेट लिएका थिए।
नेपालले आइतबार बाउल लिगको अन्तिम खेलमा यूएईसँग पराजित हुँदै सुपर सिक्सेसबाट बाहिरिएको थियाे। नेपालले समूह चरणको पहिलो खेलमा अफगानिस्तानसँग १७ रनले पराजित भएको थियो। दोस्रो खेलमा दक्षिण अफ्रिकासँग ४ विकेटले पराजित हुँदा समूह चरण पार सकेको थिएन।
समूह चरण पार गर्न नसक्दा नेपाल बाउल लिगमा आएको थियो। बाउल लिगको पहिलो खेलमा श्रीलंकासँग ३ विकेटले पराजित भएको थियो भने दोस्रो खेलमा भारतलाई ९२ रनले हराएको थियो।
