: धनुषामा एक महिलाको विभत्स हत्या गरिएको अवस्थामा शव फेला परेको छ । धनुषाको हंसपुर नगरपालिका-७ नौवाखोरकी ६२ वर्षीया चन्द्रकला देवी दासको हत्या गरिएको अवस्थामा शव भेटिएको धनुषाका प्रहरी प्रवक्ता एवं प्रहरी नायव उपरीक्षक गणेश बमले जानकारी दिए ।
उनका अनुसार सोमबार घरभन्दा ५०० मिटर टाढा खेतमा अनुहार तथा टाउकोमा धारिलो हतियार प्रहार गरी हत्या भएको अवस्थामा चन्द्रकलाको शव फेला परेको हो । घटनाबारे सोमबार राति ९ बजे जानकारी प्राप्त भएपछि प्रहरी घटनास्थल पुगेको थियो ।
मृतकले लगाएका सुन-चाँदीका गरगहनासमेत लुटेर लगेको पाइएको प्रहरीले जनाएको छ । प्रहरीले लुटिएको गहना बरामद गरेको हो ।
घटना पश्चात प्रहरीले एकजनालाई पक्राउ गरेर अनुसन्धान थालेको जिल्ला प्रहरी कार्यालय धनुषाले जनाएको छ ।
