— राष्ट्रपति डोनाल्ड ट्रम्पले बजेट विधेयकमा हस्ताक्षर गरेसँगै अमेरिकामा जारी इतिहासकै लामो सटडाउन अन्त्य भएको छ ।
तल्लो सदन (हाउस) बाट पारित भएको दुई घण्टामै ट्रम्पले यस विधेयकमा हस्ताक्षर गरेका हुन् ।
अमेरिकामा ४३ दिन सटडाउन थियो । यसले सरकार सबै काम–कारबाही ठप्प छन् । झन्डै १४ लाख संघीय प्रशासनिक कर्मचारीले तलब नपाउँदा सेवा प्रभावित छ । खाद्य सहायत कार्यक्रम प्रभावित भने घरेलु उडान कटौती भएको छ ।
‘मेरो यो हस्ताक्षरसँगै संघीय सरकारले अब दैनिक काम–कारबाही थाल्नेछ । हाम्रो प्रशासनले मानिसको दैनिक खर्च कम गर्न, सार्वजनिक सुरक्षा पुनस्र्थापना गर्न, हाम्रो अर्थतन्त्रलाई बढावा दिन र सबै अमेरिकीहरुका लागि सर्वसुलभ अमेरिका बनाउन भूमिका खेल्नेछ,’ ट्रम्पले भने ।
