: नेपाल क्रिकेट संघ (क्यान)ले नेपाल प्रिमियर लिग (एनपीएल) सिजन २ का लागि टिकटको मूल्य निर्धारण गरेको छ। नेपाल क्रिकेट संघ क्यानले पहिलो ६ दिनका लागि टिकट बिक्री खुल्ला गरेको एक विज्ञप्ति मार्फत जानकारी दिएको छ।
साधारण टिकटको मूल्य ५०० तोकिएको छ । प्लेअफ र फाइनलको टिकटको मूल्य भने १ हजार रुपैयाँ तोकिएको छ। साधारण दिनमा प्रिमियम टिकटको मूल्य भने १ हजार रुपैयाँ तोकिएको छ। प्रिमियम टिकट अन्तर्गत शनिबारको टिकटको मूल्य १५०० तोकिएको छ।
प्ले अफ र फाइनलको बेला प्रिमियम टिकटको मूल्य २ हजार रुपैयाँ रहेको छ। सिजन भरिको पासको लागि भने १५ हजार मूल्य क्यानले तोकेको छ। नेपाल प्रिमियर लिग एनपीएलको दोस्रो संस्करण मंसिर १ गतेदेखि २७ गतेसम्म हुनेछ।
