: पेरुमा ६० जना यात्रु बोकेको बस खोंचमा खस्दा कम्तीमा ३७ जनाको मृत्यु भएको छ भने दर्जनौं घाइते भएका छन्। पेरुलाई चिलीसँग जोड्ने पान-अमेरिकन राजमार्गमा बस दुर्घटना भएको हो।
स्थानीय सञ्चारमाध्यमका अनुसार बस मोडमा पिकअप ट्रकसँग ठोक्किएको थियो र त्यसपछि ओकोना नदीतिरको खाल्डोमा खसेको थियो। रिपोर्टका अनुसार दुर्घटनामा दुवै चालक बाँच्न सफल भएका छन्। बस क्षतिग्रस्त अवस्थामा छ।
ओकोना जिल्लाका मेयर भाल्डोर लेरेनाले रेडियो स्टेशन आरपीपीलाई बताएअनुसार दुर्घटनास्थल वरपरको भू-भाग धेरै अप्ठ्यारो र यस क्षेत्रमा पहिले दुर्घटनाहरू हुने गरेको बताइएको छ।
