: नेपाल ओलम्पिक कमिटी (एनओसी)ले शुक्रबार दोस्रो महिला कबड्डी विश्वकप खेल्न जाने नेपाली टोलीको बिदाइ गरेको छ। एनओसीका अध्यक्ष जीवनराम श्रेष्ठ र महासचिव राजीव श्रेष्ठसहितले नेपाली महिला कबड्डी टोलीको बिदाइ गरेका हुन्।
यसअघि भारतमा हुने भनिएको महिला कबड्डी विश्वकप बङगलादेशको मिरपुरमा हुँदैछ। महिला कबड्डी विश्वकप १३ वर्षपछि हुन लागेको हो। सन् २०१२ मा भारतको पटनामा पहिलो पटक महिला कबड्डी विश्वकपको आयोजना भएको थियो। भारत महिला कबड्डीको पहिलो च्याम्पियन बनेको थियो। सो प्रतियोगितामा इरान दोस्रो तथा जापान तेस्रो भएका थिए।
नोभेम्बर १५ देखि २५ सम्म हुने प्रतियोगितामा आयोजक बङगलादेश, गत विजेता भारत र नेपालसहित इरान, जापान, जर्मनी, केन्या, चाइनिज ताइपेई, थाइल्यान्ड, युगान्डा, अर्जेन्टिना र इन्डोसियाले इन्डोनेसिया प्रतिस्पर्धा गर्ने बताइएको छ। नेपाल समूह 'ए'मा रहेको छ। नेपालले पहिलो खेल नोभेम्बर १७ मा खेल्नेछ।
नेपाली कबड्डी टिमका पदाधिकारीले विश्व वरीयतामा तेस्रो स्थानमा रहेको छ।
मानमती विष्टको कप्तानीमा रहेको टिममा जयन्ती बडु उपकप्तान रहेकी छन्। अन्य खेलाडीहरू गंगा घिमिरे, रविना चौधरी, मेनुका राजवंशी, मनीषा जोशी, सृजना धानुक, आशिका कुँवर, सन्जु थामी, मिना नेपाली, विनीता क्षेत्री, आस्मा यादव, सिर्जना थारु र उरुसा शाक्य टिममा रहेका छन्।
टिमको प्रशिक्षकमा विष्णु दत्त भट्ट, प्रशिक्षकमा हरिना थापा र व्यवस्थापकमा शरद दर्शनधारी र टेक्निकल अफिसरमा रमेशचन्द्र ओझा रहेका छन्।
