: नेत्रविक्रम चन्द विप्लव नेतृत्वको नेपाल कम्युनिस्ट पार्टी (माओवादी) निर्वाचन आयोगमा दर्ता भएको छ । मंगलबार निर्वाचन आयोगले विप्लवलाई नेपाल कम्युनिस्ट पार्टी (माओवादी) दल दर्ताको प्रमाणपत्र हस्तान्तरण गरेको हो ।
पार्टीको चुनाव चिह्न गुलाब रहेको छ। यसअघि नेपाल कम्युनिष्ट पार्टी(नेकपा)बाट राजनीतिक गतिविधि गर्दै आएको दलले अब नेपाल कम्युनिस्ट पार्टी (माओवादी) नामबाट पार्टीलाई अघि बढाउने नेत्रविक्रम चन्द विप्लवले जानकारी दिए।
उनले नयाँ अठोट, विश्वास र अभियानका साथ निर्वाचनमा जाने गरी नेकपा(माओवादी) दल दर्ता भएको बताए । विप्लवले अब देशव्यापी रुपमा पार्टीलाई अभियानका रुपमा लैजाने जिकिर गरे।
जनतानै इतिहासको निर्माता भएको भन्दै जनताले देख्ने परिवर्तनको बाटोमा अघि बढ्ने स्पष्ट पारे। उनले राष्ट्रिय सर्वपक्षीय अन्तरिम सरकार बन्न सके सबै दलहरूलाई चुनावमा लिएर जान र नयाँ व्यवस्था निर्माण गर्न सकिने बताए । उनले जेनजीलाई आफूहरूको समर्थन रहेको बताए।
