: अख्तियार दुरूपयोग अनुसन्धान आयोगले नापी कार्यालयका दुईजना कर्मचारीलाई घुससहित नियन्त्रणमा लिएको छ। नापी कार्यालय विरगंज पर्सामा कार्यरत सर्भेक्षक राम प्रमोद राउतसहित दुईजनालाई एक लाख घुससहित नियन्त्रणमा लिएको अख्तियारका प्रवक्ता राजेन्द्र कुमार पौडेलले जानकारी दिए।
प्रवक्ता पौडेलका अनुसार सर्भेक्षक साउत र नापी टोली आदर्शनगर पानी ट्यांकी विरगंजमा कार्यरत कार्यालय सहयोगी अरुण प्रसाद उपाध्याले छुट जग्गा दर्ता गर्नका लागि सेवाग्राहीसँग विभिन्न बहाना बनाइ एक लाख घुस माग गरेको उजुरी परेको थियो। सोही उजुरीका आधारमा अनुसन्धानका लागि गएको अख्तियारको टोलीले घुस लिइसकेको अवस्थामा सर्भेक्षक राउत र कार्यालय सहयोगी उपाध्यायलाई नियन्त्रणमा लिएको हो।
उनीहरूमाथि अनुसन्धान भइरहेको अख्तियारले जनाएको छ।
