: नेकपा एमालेका नेता महेश बस्नेतले सरकारको निर्देशनमा बारामा एमालेको कार्यक्रम भाँड्ने प्रयास भएको आरोप लगाएका छन्।
काठमाडौंमा आयोजना कार्यक्रम बोल्दै बस्नेतले प्रधानमन्त्रीको निर्देशनमा बारामा एमालेको कार्यक्रम भाँड्ने प्रयास भएको आरोप लगाएका हुन्।
उनले एमालेलाई जनतामा गएर देशलाई अघि बढाउने अभियान सञ्चालन गर्न कसैले रोक्न नसक्ने जिकिर गरे।
बस्नेतले नेता बन्न रहर भए प्रतिस्पर्धाबाट आउन चुनौती समेत दिए। उनले अहिले जेनजीका नाममा अराजक प्रवृत्ति मौलाउन खोजेको बताए।
उनले आगामी महाधिवेशनमा केपी शर्मा ओलीलाई पार्टीको अध्यक्ष बनाएर पार्टी र देशलाई अघि बढाउने उल्लेख गरे।
