— इंग्ल्यान्ड र अस्ट्रेलियाबीचको पहिलो एसेज टेस्टको पहिलो दिन शुक्रबार दुवै टिमका गरेर १९ विकेट झरेका छन् । नाटकीय सावित दिनको खेल टुंगिदा अस्ट्रेलिया नौ विकेट गुमाएर १ सय २३ रनको स्थितिमा छ र अझै ४९ रनले पछाडि रहेको छ ।
पर्थमा पहिले ब्याटिङ गरेको इंग्ल्यान्ड १ सय ७२ रन बनाएर अलआउट भएको थियो । त्यसमा ह्यारी ब्रुक्सले ५२ र ओली पोपले ४६ रन बनाए । यस्तै जेमी स्मिथले ३३ रन जोडे । अस्ट्रेलियाली बलरमध्ये मिचेल स्टार्कले ५८ बलमा सात विकेट लिए ।
अस्ट्रेलियाका लागि भने एलेक्स क्यारीले बनाएको २६ रननै सर्वाधिक ठूलो व्यक्तिगत स्कोर रह्यो । उसका लागि नथान लियोन तीन र ब्रेन्डन डगेट शून्यमा खेलिरहेका छन् । इंग्लिस बलरमध्ये बेन स्टोक्सले २३ रनमा पाँच विकेट लिइसकेका छन् ।
