— एभर्टनले इंग्लिस प्रिमियर लिगमा सोमबार ओल्ड ट्रायफोर्डमा भएको खेलमा म्यानचेस्टर युनाइटेडलाई १–० ले पराजित गरेको छ । दस खेलाडीमा सीमित रहेर एभर्टनले यो जित निकालेको हो ।
आफ्नै साथी खेलाडी माइकल केनलाई प्रहार गरेपछि इड्रिस गुएलाई सिधा रातो कार्ड देखाइएको थियो । यससँगै एभर्टन १३ मिनेटयता दस खेलाडीमा सीमित रहेर खेल्ने बाध्य रहेको थियो ।
यही स्थितिमा किरनन डेब्सबरीले २९ औं मिनेटमा आकर्षक गोल गरे र यसैले हार जितको निर्णय पनि गरेको थियो । यो जितपछि एभर्टनको १८ अंक भएको छ र ११ औं स्थानमा उक्लेको छ ।
युनाइटेड भने १८ अंकमै सीमित रहेर १० औं स्थानमा रह्यो । हारले युनाइटेडको शीर्ष चारमा प्रवेश गर्ने सम्भावना रोकिएको हो ।
