: राष्ट्रिय खेलकुद परिषद् (राखेप)ले परिषद्का सदस्य–सचिव टंकलाल घिसिङलाई बिदाइ गरेको छ। ४ वर्षे कार्यकाल सम्पन्न भएपछि शुक्रबार परिषद्ले सदस्य–सचिव टंकलाल घिसिङको बिदाइ गरेको हो।
त्यस्तै ४ वर्षे कार्यकाल पुरा गरेका राखेप बोर्ड सदस्यहरूलाई समेत बिदाइ गरिएको छ।
बिदाइ कार्यक्रममा घिसिङले आफ्नो कार्यकालमा खेल र खेलाडीको विकासका लागि विधि प्रक्रिया अनुसार काम गरेको भन्दै बाहिर रहँदा समेत आफ्नो सहयोग जारी रहने बताए। आफूलाई जिम्मेवारी पूरा गर्ने क्रममा सबै कर्मचारी लगायतका सरोकारवालाहरूबाट सहयोग पाएकाले सफलतापूर्वक आफू बिदा हुन पाएको उनले बताए। उनले नेपाली खेल क्षेत्रलाई अझ उच्चो बनाउन आफूले सक्दो भूमिका खेलेको धारणा राखे।
त्यस्तै कार्यक्रममा मिसन– २०२६ अन्तर्गत विशेष प्रशिक्षणमा रहेका खेलाडीलाई किट्स वितरण समेत गरिएको थियो।
