मुख्य समाचार
कृत्रिम बुद्धिमता (एआई) बाट सिर्जना गरिएका ३ गीतले पछिल्लो साता बिलबोर्ड र स्पोटीफाईको ‘ग्लोबल चार्ट’ को शीर्ष स्थान कब्जा
कृत्रिम बुद्धिमता (एआई) बाट सिर्जना गरिएका ३ गीतले पछिल्लो साता बिलबोर्ड र स्पोटीफाईको ‘ग्लोबल चार्ट’ को शीर्ष स्थान कब्जा

। कृत्रिम बुद्धिमता (एआई) बाट सिर्जना गरिएका ३ गीतले पछिल्लो साता बिलबोर्ड र स्पोटीफाईको ‘ग्लोबल चार्ट’ को शीर्ष स्थान कब्जा गरेका छन् ।

‘ब्रेकिङ रस्ट’ नामक एक समूहले सिर्जना गरेको गीतहरू ‘वाक माई वाक’ र ‘लिभिङ अन बरोड टाइम’ले स्पोटीफाईको अमेरिकाको ५० भाइरल गीतको सूचीमा स्थान बनाएका छन् ।

नयाँ आश्रय स्थल निर्माणको विरोधमा जेडब्लू ब्रोकन भेटेरानद्वारा लिखित आप्रवासी विरोधी गान, वी से नो, नो टु असाइलम सेन्टरले सोही समयमा स्पोटीफाईको विश्वव्यापी संस्करणको भाइरल चार्टमा शीर्ष स्थान हासिल गरेको छ ।

चार्टको शीर्षस्थानमा पुगेको केही दिन पछि, डच गीत स्पोटिफाई र युट्युबबाट गायब भयो । ब्रोकन भेटेरानको अन्य संगीत पनि गायब भयो ।

स्पोटिफाईले डच आउटलेट एनयूलाई बताएअनुसार कम्पनीले संगीत हटाएको होइन, बरु गीतको प्रतिलिपि अधिकार भएका व्यक्तिले हटाए । ब्रोकन भेटेरनले संगीत किन गायब भयो भन्ने बारेमा आफू अनभिज्ञ रहेको र चाँडै प्लाटफर्ममा फिर्ता हुने कुरामा आफू आशावादी रहेको जनाएको छ ।

तीन हप्तादेखि, ‘वाक माई वाक’ ले बिलबोर्डको “कन्ट्री डिजिटल गीत बिक्री’ सूचीको शीर्षस्थानमा नेतृत्व गरेको छ । यो सूचीले गीतको डाउनलोड र विक्रीको मापन गर्छ ।

यी ३ गीतहरू एआईद्वारा सिर्जना गरिएका संगीत हुन् । पछिल्लो समय एआईबाट सिर्जना गरिएका गीतले स्ट्रिमिङ प्लाटफर्ममा वर्चस्व जमाउन थालेका छन् ।

स्ट्रिमिङ एप डिजरद्वारा बुधबार प्रकाशित एक अध्ययनले अनुमान गरेको छ कि प्लेटफर्ममा हरेक दिन ५० हजार एआई-उत्पन्न गीतहरू अपलोड हुन्छन्, जुन त्यहाँ समावेश गरिएका सबै संगीतको ३४ प्रतिशत हो ।

वाक माई वाक- वी से नो नो- नो टु एन एसाइलम सेन्टर ठूलो संख्यामा दर्शकमा पुग्ने पहिलो एआई-उत्पन्न गीत होइनन् । गर्मीयाममा ‘भेलभेट सनडाउन’ नामक समूहले एआईबाट सिर्जना गरेका गीतले स्पोटिफाईमा १० लाख भन्दा बढी भ्यूज पाए । जसलाई एक सदस्यले केही समयपछि ‘कलाको ठगी’ भनेर वर्णन गरे ।

‘यो एआई संगीतको लोकप्रियतामा तीव्र गतिमा वृद्धि भइरहेको प्रवृत्तिको अंश हो किनभने यो ठूलो मात्रामा फैलिरहेको छ’ उनले भने, ‘यहाँ तपाईंसँग प्रति दिन ५० हजार ट्रयाकहरू छन् जुन मानव संगीतकारसँग प्रतिस्पर्धा गरिरहेका छन् ।’

अध्ययनअनुसार पछिल्लो समय एआईबाट सिर्जना गरिएका संगीतको गुणस्तरमा सुधार आइरहेको छ । ८ मुलुकका ९ हजारजना मानिसमाझ डिजरले गरेको एक सर्वेक्षणअनुसार, ती मानिसमध्ये ९७ प्रतिशतले एआई र मानिसले सिर्जना गरेका गीतलाई छुट्याउन सक्दैनन् ।

‘यसलाई अस्वीकार गर्ने ठाउँ छैन । मलाई लाग्छ कि तपाईं अहिले मानव-रचना गरिएको संगीतबाट उत्कृष्ट एआई संगीत छुट्याउन सक्नुहुन्न’ न्यूटन-रेक्सले भने ।

प्रतिक्रिया दिनुहोस्
अन्य समाचारहरु
हलिउडकी चर्चित अभिनेत्री तथा ओस्कार विजेता ऐनी हैथवे तेस्रो सन्तानकी आमा बनेकी छिन् । ऐनी र उनका पति एडम शुलम्यानले तेस्रो सन्तानलाई परिवारमा स्वागत गरेका छन् । हालै अभिनेत्री न्युयोर्कका सडकमा आफ्नो नवजात शिशुलाई छातीमा टाँसेर हिँडिरहेको अवस्थामा देखिएकी छिन् । ऐनी र उनका पतिले अहिलेसम्म सन्तान जन्मिएको विषयमा भने कुनै आधिकारिक जानकारी सार्वजनिक गरेका छैनन् ...
। ‘नेपाल ग्लोबल फिल्म फेस्टिभल २०२७’ को तयारी तीव्र पारिएको छ । यो महोत्सव आगामी फागुन ७ देखि १० गतेसम्म काठमाडौंमा आयोजना हुनेछ । महोत्सवको उद्देश्य नेपाली फिल्मलाई विश्व बजारसँग जोड्ने र नेपाललाई अन्तर्राष्ट्रिय फिल्मको महत्वपूर्ण गन्तव्यका रूपमा स्थापित गर्ने रहेको आयोजकले जानकारी दिएका छन् । आयोजकका अनुसार महोत्सवमा विश्वका विभिन्न देशबाट करिब १०० जना फिल्मकर्मी, ...
पोर्चुगलका चर्चित फुटबलर क्रिस्टियानो रोनाल्डोले केही दिनअघि मात्रै राष्ट्रिय अन्तराष्ट्रिय खेलबाट सन्यास लिएका छन् । विश्वकै सर्वाधिक गोलकर्ता उनी अब पोर्चुगलको टोलीमा देखिने छैनन् । फुटबल मैदानमा आफ्नो उत्कृष्ट खेलबाट करोडौँ दर्शकको मन जितेका रोनाल्डो अब टेलिभिजनको दुनियाँमा पनि देखिने भएका छन् । उनले आफ्नो पहिलो टिभी सिरिज ‘डे १एस’ निर्माण गर्ने घोषणा गरेका छन्। यो सिरिजमा ...
: बेलायती कमेडियन तथा अभिनेता रसेल ब्रान्डलाई बलात्कार र यौन दुर्व्यवहारसम्बन्धी मुद्दामा साढे १० वर्षको जेल सजाय सुनाइएको छ । लन्डनस्थित साउथवार्क क्राउन अदालतले सोमबार ५१ वर्षीय ब्रान्डलाई उक्त सजाय सुनाएको हो । उनी सन् २००४ देखि २००९ सम्म चार महिलामाथि भएका यौन अपराधमा दोषी ठहर भएका थिए । जसमा एक बलात्कार र तीन यौन दुर्व्यवहारका ...
। नेपालमा सञ्चालित साना क्यासिनोले अब स्तरोन्नति हुन चाहे तोकिएको मापदण्ड पूरा गरी सोही प्रक्रियामा जान सक्ने भएका छन् । सरकारले क्यासिनो नियमावली संशोधन गरी सोही सुविधा उपलब्ध गराएको छ । पर्यटन विभागका अनुसार सानो क्यासिनो सञ्चालन गरिरहेका क्यासिनोले स्तरोन्नति गरी ठूलो क्यासिनो सञ्चालन गर्न चाहे वा हाल सञ्चालनमा रहेको क्यासिनोको खेल क्षेत्रको क्षेत्रफल बिस्तार गर्न, ...