दिल्ली उच्च अदालतले बलिउड अभिनेता अजय देवगनको व्यक्तित्व अधिकारको रक्षा गर्दै उनीबारेका डीपफेक भिडियो तथा उनको नाममा अनधिकृत प्रयोग भएका सामग्री हटाउन आदेश दिएको छ ।
यसअघि अदालतले ऐश्वर्या राय बच्चन, अभिषेक बच्चन, करण जोहर र कुमार सानुजस्ता सेलिब्रेटीको मुद्दामा पनि यस्तै आदेश दिएको थियो ।
देवगनले युट्युबलाई “कुनै पनि एआई-मोडेललाई तालिम दिन’ अपलोड गरिएका भिडियो/सामग्री प्रयोग नगर्न निर्देशन दिन पनि माग गरेका थिए ।
न्यायाधीश मनमीत प्रीतमसिंह अरोराले अन्य सेलिब्रेटीलाई अदालतले पहिले दिएको जस्तै सुरक्षाको लागि आदेश दिएका हुन् । यो आदेशपछि अभिनेता देवगनलाई व्यक्तित्व सुरक्षा अधिकारबारे राहत मिलेको छ ।
देवगनले उजुरीमा आफू ‘विमल, लखानी, अमूल कम्फी, पुष्प, डाबर बाबूल’ जस्ता विभिन्न ब्रान्डसँग सम्बन्धित रहेको र “परिवारमैत्री व्यक्तित्व“ भएको दाबी गरेका छन् ।
उनले आफ्नो नाम र व्यक्तित्वको दुरुपयोग गरेको आरोप लगाएका संस्थामा देवगनको उपस्थिति बुक गरेको दाबी गर्ने एउटा प्लेटफर्म समावेश छ । साथै, अनधिकृत र अप्रिय खालका एआईबाट सामग्री सिर्जना गर्ने’ युट्युब च्यानल र फेसबुकका फ्यान क्लब पृष्ठ समावेश छन् ।
देवगनले उच्च अदालतसमक्ष आफ्नो व्यक्तित्व र प्रचार अधिकार सुरक्षित गर्न माग गरेका हुन्, जसमा उनको नामजस्तो मिल्दोजुल्दो, ‘अजय वीरू देवगन’ वा ‘अजय वीरू देवगन’लाई सुरक्षित राख्नु रहेको छ ।
देवगनले एआईबाट सिर्जना गरिएका डीपफेक पोर्नोग्राफिक सामग्रीप्रति पनि रिपोर्ट गरेका छन्, जसले उनको प्रतिष्ठानलाई हानी पुर्याइरहेको छ ।
न्यायाधीश अरोराले देवगनका वकिललाई अनुपयुक्त वा अप्रिय सामग्री प्लेटफर्ममा प्रकाशित गरेपछि युट्युब वा गुगलमा विरोध दर्ता गरेका छन् कि छैनन् भनेर सोधेका थिए । जवाफमा उनले प्लेटफर्महरूले प्रायः अदालतको आदेश माग्ने गरेको बताएका थिए ।
पछिल्लो समय बलिउड सेलिब्रेटीले अदालतबाट व्यक्तित्व सुरक्षाको माग गर्ने क्रम बढेको छ ।
