: नेपाल प्रिमियर लिग (एनपीएल)को दोस्रो संस्करणको लिग चरणको २२ औँ खेलमा विराटनगर किंग्सलाई लुम्बिनी लायन्सले ५ विकेटले पराजित गरेको छ। लुम्बिनी लायन्सको यो तेस्रो जित हो। विराटनगरको भने यो दोस्रो हार हो।

त्रिवि क्रिकेट मैदानमा टस हारेर पहिले ब्याटिङ गरेको विराटनगर किंग्सले दिएको १४५ रनको विजयी लक्ष्य पछ्याएको लुम्बिनी लायन्सले १७.४ ओभरमा ५ विकेट गुमाउँदै लक्ष्य पूरा गरेको हो।


लुम्बिनी लायन्सका लागि डार्सी सर्टले सर्वाधिक ५७ रन बनाए। उनले ४४ बलमा ६ चौका र २ छक्का प्रहार गरे।

अर्का ओपनर सुमित महर्जन १० रनमा स्टम्पिङ भए।
सन्दीप जोराको विकेट सन्दीप लामिछानेले लिए। जोराले १५ बलमा २४ रन बनाए। दिलिप नाथ १६ रनमा क्याच भए।
निरोसन डिकवेल्ला २९ र शेर मल्ल १ रनमा अविजित रहे।
विराटनगर किंग्सका लागि सुवास भण्डारीले दोस्रो संस्करणको लागि आफ्नो पहिलो खेलमा २ विकेट लिए। कप्तान सन्दीप लामीछानेले २ विकेट र वसिर अहमदले १ विकेट लिए।

त्यसअघि ब्याटिङ गरेको विराटनगर किंग्सले २० ओभरमा ८ विकेट गुमाउँदै १४४ रन बनाएको थियो।

विराटनगरका लागि लोकेश बमले सर्वाधिक ३५ रन बनाए। उनले ४२ बलमा समान २ चौका र २ छक्का प्रहार गरे।

विराटनगरका ओपनरद्वय पावरप्लेमा सस्तैमा आउट हुँदा विराटनगरको ब्याटिङ समस्यामा परेको थियो। जर्ज मुन्से डक आउट र फाफ डु पेल्सिस १२ रनमा पेभेलियन फर्किए। फाफको लागि यो पहिलो खेल थियो। उनलाई लुम्बिनी लायन्सका युवा बलर अभिषेश गौतमले विकेट किपर निरोसन डिकवेल्लाको हातबाट स्टम्पिङ आउट गराए।

साम हेज्जलेटले २७ रन बनाए। नारायण जोशी ५ रनमा शेर मल्लको हातबाट एलबीडब्ल्यू भए। प्रतिश जिसी ११ रनमा रनआउट भए। सातौं विकेट वसिर अहमदको विकेट गयो। उनले १९ बलमा १ चौका र १ छक्का प्रहार गरे। साहिल पटेल ३ रनमा रनआउट भए। मर्चेन्ट डी लाङ्गे १० रन र सन्दीप लामिछाने ६ रनमा अविजित रहे।

लुम्बिनी लायन्सका लागि शेर मल्लले ३ विकेट लिए । उनले ४ ओभरमा २५ रन खर्चिए। जे जे स्मिथ,अभिषेश गौतम र रुविन ट्रम्पलमेनले १–१ विकेट लिए।

विराटनगर किंग्सले पहिलो खेलमा पोखरा एभेन्जर्सलाई ५३ रनले हराएको थियो। दोस्रो खेलमा काठमान्डु किंग्सलाई ५ विकेट, तेस्रो खेलमा जनकपुर बोल्ट्सलाई ९ रनले हराएको थियो। चौथो खेलमा चितवन राइनोजसँग ४८ रनले पराजित भएको थियो। पाँचौं खेलमा कर्णाली याक्सलाई ३ विकेटले पराजित गरेको थियो।

लुम्बिनी लायन्सले यस अघिको ५ खेलमध्ये २ जित र ३ हार रहेको छ। पहिलो खेलमा चितवन राइनोजलाई ६ विकेटले पराजित गरेको लुम्बिनी लायन्सले त्यसपछि लागातार ३ खेलमा हार बेहोर्‍यो। दोस्रो खेलमा कर्णाली याक्ससँग ९ विकेट, काठमान्डु गोर्खाजसँग २२ रन र चौथो खेलमा सुदुरपश्चिम रोयल्ससँग ७ विकेटको हार बेहोरेको थियो। पाँचौं खेलमा पोखरा एभेन्जर्सलाई ३ विकेटले पराजित गरेको थियो।

बिहीबार २ खेल छ। पहिलो खेल पोखरा एभेन्जर्स र काठमान्डु गोर्खाजको छ। पहिलो खेल ११ः४५ र दोस्रो खेलमा सुदूरपश्चिम रोयल्स र चितवन राइनोजको खेल दिउँसो ४ बजे हुनेछ।