: रुसी राष्ट्रपतिका प्रेस सचिव दिमित्री पेस्कोभले अमेरिकी राजदूत स्टीव विटकफसँगको वार्ताका क्रममा राष्ट्रपति भ्लादिमिर पुटिनले अमेरिकी शान्ति योजनालाई अस्वीकार गरेको भन्नु सही नहुने बताएका छन्।
मंगलबार अमेरिकी विशेष दूत स्टिभ विटकफ र अमेरिकी राष्ट्रपति डोनाल्ड ट्रम्पका ज्वाइँ जारेड कुशनरले रुस-युक्रेन युद्ध अन्त्य गर्नेबारे छलफल गर्न रुसी राष्ट्रपति भ्लादिमिर पुटिनसँग भेट गरेका थिए।
'हिजो पहिलो पटक विचार आदानप्रदान गरियो। केही कुराहरू स्वीकार गरियो, केही कुराहरू अस्वीकार्य मानियो। यो एक सामान्य प्रक्रिया हो र सम्झौतामा पुग्नको लागि हो,' पेस्कोभले पत्रकार सम्मेलनमा सोधिएको प्रश्नको जवाफमा भने ।
पेस्कोभले पाँच घण्टाको वार्ताको कुनै पनि विवरण दिन अस्वीकार गरे।
