— उदयपुरको चौदण्डीगढी नगरपालिका–४ थुलुङडाँडास्थित भित्री सडकखण्डमा मंगलबार दिउँसो दुइवटा मोटरसाइकल एकआपसमा ठोक्किँदा एकजनाको मृत्यु भएको छ ।
बसाहाबाट बर्खेडाडातर्फ जाँदै गरेको बा ९२ प ०८९७ नम्बरको मोटरसाइकल र विपरीत दिशाबाट आइरहेको प्र १–०५–००२ प ०५८९ नम्बरको मोटरसाइकल एक आपसमा ठोक्किँदा चौदण्डीगढी नगरपालिका–४ थुलुङडाँडाका ५८ वर्षीय भक्तराम राईको मृत्यु भएको हो । शरीरका विभिन्न भागमा गम्भीर चोट लागेका राईलाई तत्काल उपचारका लागि नगर अस्पताल बेल्टार लगिएकोमा चिकित्सकले मृत घोषणा गरेको जिल्ला प्रहरी कार्यालय उदयपुरका सूचना अधिकारी डीएसपी केदारमान दोङले बताए ।
बा ९२ प ०८९७ नम्बरको मोटरसाइकल चालक चौदण्डीगढी नगरपालिका–४ बसाहाका २६ वर्षीय यमन मगरलाई नियन्त्रणमा लिएर घटनाको विषयमा अनुसन्धान सुरु गरेको प्रहरीले जनाएको छ ।
