: युक्रेनले रूसलाई भूमि सुम्पिने सम्झौता गर्नबाट बच्न खोज्दै ह्वाइट हाउसलाई संशोधित शान्ति योजना प्रस्तुत गर्ने तयारी गरिरहेको छ । राष्ट्रपति भोलोडिमिर जेलेन्स्कीले फेरि भूमि सुम्पिने कुरा अस्वीकार गरेपछि किभले विकल्पहरू प्रस्ताव गर्ने तयारी गरेको हो । उनले युक्रेनी वा अन्तर्राष्ट्रिय कानुनअन्तर्गत त्यसो गर्ने अधिकार नभएको पनि जनाएका छन् ।
उनको टोलीले चाँडै नै अमेरिकीहरूलाई नयाँ प्रस्ताव पठाउन सक्ने युक्रेनी राष्ट्रपतिले एक पत्रकार सम्मेलनमा जनाए । सोमबार युरोपेली र नेटो नेताहरूसँगको भेटपछि उनले यी टिप्पणी गरेका हुन् । यसैबीच, उत्तर–पश्चिम युक्रेनको सुमी सहर रुसी ड्रोन आक्रमण पछि रातभर बिजुलीविहीन भएको थियो ।
क्षेत्रका गभर्नरले भने कि एक दर्जनभन्दा बढी ड्रोनहरूले विद्युत् पूर्वाधारमा प्रहार गरेका छन्, जुन रुसको रात्रिकालीन आक्रमणहरूमा पछिल्लो हो ।
