मुख्य समाचार
‘धुरन्धर’ लाई खाडीका देशमा प्रतिबन्ध
‘धुरन्धर’ लाई खाडीका देशमा प्रतिबन्ध

। रणवीर सिंह स्टारर बलिउड फिल्म ‘धुरन्धर’ ले अहिले भारतसहित अन्तर्राष्ट्रिय बजारमा पनि उछाल कमाइ गरिरहेको छ । नेपाली बक्सअफिसमा पनि यसको कमाइ उत्साहजनक देखिन्छ ।

भारतीय बक्सअफिसमा यसले छैटौं दिनसम्म १८८.६० करोड भारु कमाएको छ । यस सप्ताहन्तमा फिल्मले २०० करोड भारुको आँकडा पार गर्दै आफूलाई ब्लकबस्टरको रुपमा उभ्याउने निश्चित छ ।

शुक्रबार २८.६० करोड भारुको ओपनिङ गरेको फिल्मले शनिबार ३३.१० करोड भारु, आइतबार ४४.८० करोड भारु, सोमबार २४.३० करोड भारु, मंगलबार २८.६० करोड भारु र बुधबार २९.२० करोड भारु कमाएको छ ।

बलिउड मात्र होइन, अहिले भारतीय राजनीतिज्ञबीच पनि यसको चर्चा गर्माएको छ । एक भारतीय जासूसको कथा पेश गर्ने यो फिल्मले पाकिस्तानभित्र घुसेर बदला लिने भारतीय गुप्तचरको कथा पेश गर्छ ।

भारतीय आँखाबाट भनिएको फिल्ममा पाकिस्तानभित्रको राजनीति, भूमिगत संसार र डनगिरीको कथा भनिएको छ । पाकिस्तानभित्र अलग राज्य माग गरिरहेको बलोचिस्तानको कथा पनि यसभित्र छ । राजनीतिक कथावस्तुमा भनिएको सुन्दर र मर्मस्पर्शी कथाको चौतर्फी प्रशंसा भैरहेको छ ।

मध्यपूर्वमा प्रतिबन्ध

यो फिल्मलाई मध्यपूर्वका मुलुकहरू बहराइन, कुवेत, ओमान, कतार, साउदी अरब र युएईमा भने प्रतिबन्ध लगाइएको छ । पाकिस्तानी विरोधी कथावस्तुको फिल्म भएको कारण देखाउँदै ती देशले प्रदर्शन रोकेका हुन् ।

मध्यपूर्वका ती मुलुकको कूटनीतिक सम्बन्ध इस्लामिक मुलुक पाकिस्तानसँग हार्दिक छ । निर्माताले प्रदर्शनका लागि प्रयास गरेपनि ती मुलुकले फिल्मको थिमलाई नरुचाएको जनाइएको छ ।

सन् २०२४ मा ऋतिक रोशन स्टारर फिल्म ‘फाइटर’ लाई युएईबाहेकका खाडी देशले रोकेका थिए । अक्षय कुमारको ‘स्काइ फोर्स’ र जोन अब्राहमको ‘द डिप्लोम्याट’लाई पनि रोक लगाइएको थियो ।

साथै, आर्टिकल ३७०, टाइगर ३ र कश्मिर फाइल्सजस्ता चर्चित भारतीय फिल्मलाई पनि मध्यपूर्वका मुलुकले प्रदर्शनमा प्रतिबन्ध लगाएका थिए ।

प्रतिक्रिया दिनुहोस्
अन्य समाचारहरु
हलिउडकी चर्चित अभिनेत्री तथा ओस्कार विजेता ऐनी हैथवे तेस्रो सन्तानकी आमा बनेकी छिन् । ऐनी र उनका पति एडम शुलम्यानले तेस्रो सन्तानलाई परिवारमा स्वागत गरेका छन् । हालै अभिनेत्री न्युयोर्कका सडकमा आफ्नो नवजात शिशुलाई छातीमा टाँसेर हिँडिरहेको अवस्थामा देखिएकी छिन् । ऐनी र उनका पतिले अहिलेसम्म सन्तान जन्मिएको विषयमा भने कुनै आधिकारिक जानकारी सार्वजनिक गरेका छैनन् ...
। ‘नेपाल ग्लोबल फिल्म फेस्टिभल २०२७’ को तयारी तीव्र पारिएको छ । यो महोत्सव आगामी फागुन ७ देखि १० गतेसम्म काठमाडौंमा आयोजना हुनेछ । महोत्सवको उद्देश्य नेपाली फिल्मलाई विश्व बजारसँग जोड्ने र नेपाललाई अन्तर्राष्ट्रिय फिल्मको महत्वपूर्ण गन्तव्यका रूपमा स्थापित गर्ने रहेको आयोजकले जानकारी दिएका छन् । आयोजकका अनुसार महोत्सवमा विश्वका विभिन्न देशबाट करिब १०० जना फिल्मकर्मी, ...
पोर्चुगलका चर्चित फुटबलर क्रिस्टियानो रोनाल्डोले केही दिनअघि मात्रै राष्ट्रिय अन्तराष्ट्रिय खेलबाट सन्यास लिएका छन् । विश्वकै सर्वाधिक गोलकर्ता उनी अब पोर्चुगलको टोलीमा देखिने छैनन् । फुटबल मैदानमा आफ्नो उत्कृष्ट खेलबाट करोडौँ दर्शकको मन जितेका रोनाल्डो अब टेलिभिजनको दुनियाँमा पनि देखिने भएका छन् । उनले आफ्नो पहिलो टिभी सिरिज ‘डे १एस’ निर्माण गर्ने घोषणा गरेका छन्। यो सिरिजमा ...
: बेलायती कमेडियन तथा अभिनेता रसेल ब्रान्डलाई बलात्कार र यौन दुर्व्यवहारसम्बन्धी मुद्दामा साढे १० वर्षको जेल सजाय सुनाइएको छ । लन्डनस्थित साउथवार्क क्राउन अदालतले सोमबार ५१ वर्षीय ब्रान्डलाई उक्त सजाय सुनाएको हो । उनी सन् २००४ देखि २००९ सम्म चार महिलामाथि भएका यौन अपराधमा दोषी ठहर भएका थिए । जसमा एक बलात्कार र तीन यौन दुर्व्यवहारका ...
। नेपालमा सञ्चालित साना क्यासिनोले अब स्तरोन्नति हुन चाहे तोकिएको मापदण्ड पूरा गरी सोही प्रक्रियामा जान सक्ने भएका छन् । सरकारले क्यासिनो नियमावली संशोधन गरी सोही सुविधा उपलब्ध गराएको छ । पर्यटन विभागका अनुसार सानो क्यासिनो सञ्चालन गरिरहेका क्यासिनोले स्तरोन्नति गरी ठूलो क्यासिनो सञ्चालन गर्न चाहे वा हाल सञ्चालनमा रहेको क्यासिनोको खेल क्षेत्रको क्षेत्रफल बिस्तार गर्न, ...