— बन्डाई तटमा भएको आक्रमणको घटनापछि अस्ट्रेलियाले बन्दूक सम्बन्धी कानुनलाई कडा बनाउने भएको छ ।
अस्ट्रेलियाका प्रधानमन्त्री एन्थोनी अल्बानिजले कडा कानुन बनाउने विषयमा मन्त्रीपरिषद्मा छलफल हुने बताए । लाइन्सेन्स लिएका व्यक्तिले खरिद गर्ने हतियारको सीमा तोक्ने विषयमा पनि छलफल हुने उनले बताए ।
उनले बोन्डाईमा भएको आक्रमणलाई आतंकवादको संज्ञा दिए । आइतबार बोन्डाई तटमा यहुदी समुदायको उत्सव चलिरहदाँ बाबु–छोराले सर्वसाधारणमाथि गोली चलाए ।
जसमा १५ जनाको मृत्यु भएको थियो । प्रहरीले यस घटनालगत्ते गोली चलाउँदा बाबुको पनि मृत्यु भयो । छोरा गम्भीर घाइते छन् ।
प्रहरीले ५० वर्षका बाबु र २४ वर्षका छोराले मिलेर गोली चलाएको जानकारी दिएपनि उनीहरुको नाम सार्वजनिक गरेको छैन । बाबुले २०१५ देखि नै ६ वटा बन्दूक राखेको प्रहरीले बताएको छ ।
गृहमन्त्री टोनी बुर्केले सन् १९९८ मा विद्यार्थी भिसा ती बाबु अस्ट्रेलिया आएको बताए । उनका छोरा अस्ट्रेलियामै जन्मेका नागरिक हुन् । प्रहरीले हतियार र हतियारधारीबारे यसभन्दा धेरै जानकारी सार्वजनिक गरेको छैन ।
अहिल्यै कडा छ कानुन
अस्ट्रेलियामा हतियार सम्बन्धी कानुन अहिल्यै कडा रहेको अमेरिकी सञ्चारमाध्यम सीएनएनले जनाएको छ ।
३० वर्षअघि टास्मानियास्थित पर्यटकिय क्षेत्र पोर्ट आर्थरमा एक हतियारधारीले गोली चलाउँदा ३५ जनाको मृत्यु भएपछि कानुन कडा बनाइएको थियो ।
