: राष्ट्रिय स्वतन्त्र पार्टी (रास्वपा)का सभापति रवि लामिछानेले आफूविरुद्धको षडयन्त्रले कतिपनि विचलित नभएको बताएका छन्। शनिबार चितवनमा आफ्ना समर्थकहरूलाई सम्बोधन गर्दै उनले देशका निम्ति लड्दा आफूमाथि विभिन्न षडयन्त्र भएपनि कतिपनि विचलित नभएको बताएका हुन्।
सभापति लामिछानेले जेनजीको आन्दोलन र उनीहरूको माग प्रति आफ्नो समर्थन रहेको समेत बताए। जेनजीको आन्दोलन पछि बनेको सरकारले विचलित नभई चुनाव गराउनुपर्ने उनको भनाइ छ। उनले वर्तमान सरकारलाई रास्वपाको पूर्ण समर्थन रहेको स्पष्ट पारे।
आफूलाई हेलिकप्टरमा झुण्डिएर भाग्नेहरूले विभिन्न मुद्दा लगाएर जेल पठाएको भन्दै सभापति लामिछानेले त्यस्ता निर्वाचनमा नेताहरूलाई शून्यमा झार्न आग्रह गरे।
त्यस्तै सभापति लामिछानेले देशमा परिवर्तन चाहनेसँग सहकार्य गर्न छलफल भइरहेको भन्दै यसका लागि आफू जस्तोसुकै त्याग गर्न पनि तयार रहेको बताए।
