: नेपाली कम्युनिस्ट पार्टी (नेकपा)का सहसंयोजक माधव नेपालले जनताको चाहनालाई साकार पार्न आफूहरू इमान्दारिताका साथ अगाडि बढिरहेको बताएका छन्। काठमाडौंमा आयोजित नेपाली कम्युनिस्ट पार्टीको एकता सन्देशसभालाई सम्बोधन गर्दै उनले यस्तो बताएका हुन्।
सहसंयोजक नेपालले आफूहरूलाई एक पटक मौका दिनुपर्ने बताए। उनले भने,ʻहामी जनताको चाहनालाई साकार पार्नका लागि इमान्दारिताका साथ अगाडि बढेका छौँ कि छैनौँ। जनताले हामीलाई आउने चुनावमा विश्वास गरेर जिताएको खण्डमा, बहुमत दिएको खण्डमा, हाम्रो अग्निपरीक्षा सुरु हुन्छ। हामीलाई एक पटक मौका दिनुपर्ने हुन्छ।ʼ
सहसंयोजक नेपालले आजसम्म इमान्दारिताको राजनीति, देशभक्तिको भावनालाई ध्यानमा राखेर नै भूमिका खेल्दै आइरहेका बताए।
