पश्चिम बंगाल प्रहरीले मुर्सिदाबादमा भएको घटनासँग जोडेर हिन्दू युवाको हत्या भएको बताएको छ। धर्मको अपमान गरेको आरोपमा हिन्दू युवा दिपु चन्द्र दासको बिहीबार हत्या भएको थियो।
प्रहरीले दासको हत्यालाई ८ महिनाअघि मुर्सिदाबादमा भएको घटनासँग तुलना गरिएको बताएको हो। पश्चिम बंगाल प्रहरीले यी प्रयासहरूलाई 'अत्यन्त उत्तेजक' भनेर सम्बोधन गरेको छ। प्रहरीका अनुसार उनीहरूको उद्देश्य 'सार्वजनिक व्यवस्थालाई खलल पार्नु हो।
पश्चिम बंगाल प्रहरीले शनिबार साँझ ट्विटरमा लेखेको छ , ‘बंगलादेशमा हालै भएको दीपु चन्द्र दासको हत्यालाई करिब आठ महिनाअघि मुर्सिदाबादमा हरगोविन्द दास र उनका छोरा चन्दन दासको दुखद मृत्युसँग तुलना गर्ने दुर्भावनापूर्ण प्रयास भइरहेको छ। यस्ता तुलनाहरू अत्यन्तै भड्काउने खालका छन्। तिनीहरूले तथ्यहरूलाई गलत रूपमा प्रस्तुत गर्छन् र सार्वजनिक व्यवस्थालाई खलल पार्ने उद्देश्य राख्छन्।’
प्रहरीले मुर्सिदाबाद घटनामा १३ जनालाई तुरुन्तै पक्राउ गरी बलियो मुद्दा दायर गरेको थियो। पश्चिम बंगाल प्रहरीले नागरिकहरूलाई अफवाहहरूमा ध्यान नदिन आग्रह गर्दै भड्काउने र गलत सूचना फैलाउने सामाजिक सञ्जाल ह्यान्डलहरूको निगरानी भइरहेको बताएको छ। आपराधिक घटनाहरूलाई साम्प्रदायिक बनाउन खोज्नेहरू विरुद्ध कानुनी कारबाही गरिनेछ।
स्थानीय प्रहरीका अनुसार युवकलाई कुटपिट गरी हत्या गरेपछि उनको शवलाई रुखमा बाँधेर आगो लगाइएको थियो।
