: जिल्ला प्रहरी कार्यालय रुकुम (पूर्वी भाग)ले अदालतको फैसला कार्यान्वयनका क्रममा कर्तव्य ज्यान मुद्दामा दोषी ठहर भई ८ वर्षदेखि फरार रहेका एक प्रतिवादीलाई पक्राउ गरेको छ।
जिल्ला प्रहरी कार्यालयका सूचना अधिकारी तथा प्रहरी निरीक्षक लालबहादुर बि.क.का अनुसार पुथाउत्तरगंगा गाउँपालिका–१३ ओख्मा बस्ने २८ वर्षीय सुनिल बुढा कर्तव्य ज्यान मुद्दामा रुकुमकोट जिल्ला अदालतको २०७५ जेठ ७ गतेको फैसलाअनुसार जन्मकैद सजाय हुने ठहर भई फैसला पश्चात् फरार भएका थिए।
फरार प्रतिवादी बुढालाई खोजतलास गर्दा आइतबार अदालतमा उपस्थित गराई बुढालाई सर्वोच्च अदालतको मिति २०८१ मंसिर २४ गतेको आदेश अनुसार बाँकी रहेको ९ वर्ष ७ महिना १३ दिन कैद सजाय भुक्तान गर्न कारागार पठाइएको जिल्ला प्रहरी कार्यालयले जनाएको छ।
जिल्ला प्रहरी कार्यालय रुकुम (पूर्वी)ले फरार प्रतिवादीहरूको खोजतलास गरी अदालतको फैसला कार्यान्वयनलाई निरन्तरता दिइरहेको जनाएको छ।
