: नेकपा एमालेका अध्यक्ष केपी शर्मा ओलीले एमालेका युवाले आदर्शपन देखाएको बताएका छन्। नेकपा एमालेको राष्ट्रिय महाधिवेशनमा खटिएका स्वयंसेवक सम्मान कार्यक्रमलाई सम्बोधन गर्दै ओलीले एमालेका भोलेन्टियर कुलतमा नलागी उच्च आदर्श र कर्तव्यपालनाका साथ महाधिवेशनमा होमिएको भन्दै भन्दै प्रशंसा गरे।
३ दिन आयोजना गर्ने भनिएको महाधिवेशन ६ दिन लागेपनि एमालेका युवा तदारुकताका साथ लागि परेको उल्लेख गरे। उनले थपे, ‘रात दिन नभनी खट्नुभयो। कुनै प्रकारको गुनासो आएन, यो समर्पण, निष्ठा र अनुशासनका लागि धन्यवाद, कुनै युवा दुर्व्यसनीमा लागेको पाइएन।’null
ओलीले अरु पार्टीको कार्यक्रम भएको भए आपसमा मारामार हुन्थ्यो होला, के के पिएर सोत्रम भइसक्थे तर हाम्रोमा नदेखिएको दाबि गरे। बालेनको नाम नलिइ ओलीले व्यङ्ग्य गर्दै नसामा भेटिने गरेको उल्लेख गरे। उनले भने,‘देशका चर्चित भनिएका मान्छेहरू नसामा भेटिन्छन्। चर्चामा ल्याउन खोजिएका मान्छे नसामा हाम्रा युवाहरूमा त्यस प्रकारको कुनै दुर्व्यसनी देखिएन, मेरो भनाइ मन नपरेर, इख मानेर दुर्व्यसनीमा भएकाहरूले पनि छाड्नुभयो भने म धेरै खुसी हुन्थेँ।’
