युक्रेनी राष्ट्रपति भ्यालिदिमर जेलेन्स्कीले रुसले शान्ति बताएका छन्। राजधानी किभमा रूसले आक्रमणपछि राष्ट्रपति जेलेन्स्कीले उक्त कुरा बताएका हुन्। जेलेन्स्कीले टेलिग्राममा रूसले किभतर्फ लगभग ५०० ड्रोन र ४० क्षेप्यास्त्र प्रहार गरेको उल्लेख गरेका छन्। उनले ऊर्जा पूर्वाधार र नागरिकलाई लक्षित गरेर आक्रमण गरेको बताए।
नयाँ चरणको शान्ति वार्ता अघि संयुक्त राज्य अमेरिकाको यात्रामा रहेका जेलेन्स्कीले शनिबार विज्ञप्तिमार्फत उक्त टिप्पणी गरेका हुन्।
जेलेन्स्कीले आइतबार फ्लोरिडामा अमेरिकी राष्ट्रपति डोनाल्ड ट्रम्पसँग भेट गर्नेछन्। बैठकमा अमेरिकी र युक्रेनी अधिकारीहरूले तयार पारेको २० बुँदे शान्ति प्रस्तावमा छलफल हुने अपेक्षा गरिएको छ।
स्थानीय अधिकारीहरूका अनुसार किभमा करिब १० घण्टासम्म चलेको मिसाइल र ड्रोन आक्रमणमा दुई जनाको मृत्यु भएको छ। ३२ जना घाइते भएका छन्।
