— मकवानपुर प्रहरीले गाँजासहित सात जनालाई पक्राउ गरेको छ । ५३ किलो ५ सय ७० ग्राम गाँजासहित बुधबार उनीहरू पक्राउ परेका हुन् ।
राक्सिराङ गाउँपालिका—९ अठारे घर भई चितवन राप्ती नगरपालिका-१ का ४८ वर्षीय होमबहादुृर अधिकारी, राक्सिराङ गाउँपालिका-९ अठारेका १९ वर्षीय हीरालाल चेपाङ, सोही स्थानका १९ वर्षीयद्वय सुकराम चेपाङ र रामशरण चेपाङ, २५ वर्षीया विन्दीमाया चेपाङ, २९ वर्षीया रन्जिता चेपाङ र ३० वर्षकी शुक्रमाया चेपाङ पक्राउ परेका हुन ।
चितवनवाट हेटौंडातर्फ आउँदै गरेको बाप्र ०१-००६ ख ७७०१ नम्बरको यात्रुवाहक बसलाई इलाका प्रहरी कार्यालय मनहरीमा रोकेर चेकचाँच गर्ने क्रममा उनीहरूको साथबाट उक्त परिमाणको गाँजा बरामद गरिएको हो ।
पक्राउ परेका सातै जनाले बोकेको झोला खानतलासी गर्दा प्लास्टिकमा प्याक गरिएको गाँजा फेला परेको जिल्ला प्रहरी कार्यालय मकवानपुरका प्रहरी नायब उपरिक्षक एवं प्रवक्ता पुस्कर बोगटीले बताए ।
पक्राउ परेकामध्ये एकै परिवारका चार जना रहेका छन । पक्राउ परेका सातै जनालाई जिल्ला अदालत मकवानपुरवाट लागू औषध मुद्दामा म्याद थप गरी थप अनुसन्धान भइरहेको प्रहरीले जनाएको छ ।
