— रुसको विदेश मन्त्रालयले भेनेजुएलाविरुद्धको अमेरिकी आक्रमणको निन्दा गरेको छ । उसले दुबै पक्षलाई संयम अपनाउन आग्रह गरेको छ ।
यस आक्रमणलाई जायज ठहराउन गरिएका बाहना न्यायसंगत छैनन् । विश्वासमा आधारित व्यवहारिक सम्बन्ध निर्माण गर्ने इच्छाशक्तिमाथि वैचारिक रूपमा प्रेरित शत्रुता हाबी भएको छ,' रूसी विदेश मन्त्रालयले जारी गरेको विज्ञप्तिमा उल्लेख छ ।
रूसले संकट समाधानका कुटनीतिक पहल र वार्ताको मध्यस्थता गर्न तयार रहेको बताएको छ ।
यसअघि ईरान, कोलम्बिया र क्युवाले आक्रमणको भत्सर्ना गरेका थिए । 'अमेरिकी सेनाले आक्रमण गरेर भेनेजुएलाको राष्ट्रिय स्वाधिनता र भौगोलिक अखण्डताको खुलेयाम उल्लंघन गरेको छ । हामी यसको कडा निन्दा गर्छौं,' इरानको विदेश मन्त्रालयले जारी गरेको विज्ञप्तिमा उल्लेख छ ।
कोलम्बियाका राष्ट्रपति गुस्ताभो पेट्रो र क्युवाका राष्ट्रपति मिगुइल डियाज क्यानलले पनि सामाजिक सञ्जाल एक्समार्फत घटनाको निन्दा गरेका छन् ।
स्पेनले दुबै पक्षलाई संयम रहन आग्रह गर्दै शान्ति वार्ताको मध्यस्थता गर्न तयार रहेको जनाएको छ ।
