— मोटरसाइकलमा राखेर गाँजा ल्याउँदै गरेका दुई जनालाई चितवन प्रहरीले पक्राउ गरेको छ।
भण्डरा-मलेखु सडकको पहाडी क्षेत्र राप्ती नगरपालिका-११ कोराक डुम्रेखाँडीबाट गएराति १ बजेतिर डुम्रेखाँडीका ३३ वर्षीय वीरबहादुर तमाङ र३१ वर्षीय हीरालाल तमाङलाई पक्राउ गरेको चितवन प्रहरी प्रवक्ता डिएसपी रविन्द्र खनालले जानकारी दिए।
मोटरसाइकलमा अगाडि आएर बाटोमा कुनै समस्या भए नभएको चियो गर्ने दुई जनालाई सोधखोज गर्दा उनीहरू भागेको र पछाडि रहेका गाँजा बोकेका दुई मोटरसाइकललाई नियन्त्रणमा लिएको प्रहरीले जनाएको छ। दुई वटा मोटरसाइकलमा राखेको १२४ केजी गाँजा बरामद गरेको पक्राउ गर्न खटिएका प्रहरी निरीक्षक रूपेश विष्टले बताए।
डिएसपीखनालले चितवन प्रहरीले मंसिर १ देखि लागुआैषधविरूद्ध 'अप्रेशन डेल्टा' सञ्चालन गरेको जानकारी दिए। जस अन्तरगत पुस २० गतेसम्म ३१ किलो गाँजा, नौ ग्राम चरेस, २०२ ग्राम खेरोहिरोइन, ५ हजार १२८ क्याप्सुल ट्रामाडोल, १३१ एम्पुल डाइजेपाम र फेनारगन र नुर्फिन १३१ एम्पुल बरामदगरेको डिएसपी खनालले बताए। यी घटनाहरूमा ३ महिलासहित ८१ जनालाई नियन्त्रणमा लिएको उनले जानकारी दिए।
