— बर्दिया राष्ट्रिय निकुञ्जबाट निस्केको बाघले आक्रमण गर्दा एक महिलाको मृत्यु भएको छ । घाँस काट्न गएकी महिला बेलुकी घर नफर्केपछि खोजी गर्दा शव फेला परेको निकुञ्जले जनाएको छ ।
बर्दिया निकुञ्जका सूचना अधिकारी वरिष्ठ संरक्षण अधिकृत सरोजमनि पौडेलले बाघको आक्रमणबाट सुर्खेत भेरीगंगा नगरपालिका- ५ की ५७ वर्षीया गंगा सारूको मृत्यु भएको बताए । बाँसगढी नगरपालिका-१ सँग सीमा जोडिएको सुर्खेतको शक्ति सामुदायिक वनमा महिलाको शव भेटिएको उनले बताए ।
