: कांग्रेस विशेष महाधिवेशनको उद्घाटनका लागि सभापति शेरबहादुर देउवा र कार्यवाहक सभापति पूर्णबहादुर खड्कालाई ल्याउने प्रयास असफल भएको छ।
सभापति र कार्यवाहक सभापति नआएपछि महामन्त्रीद्वय गगन थापा र विश्वप्रकाश शर्माले विशेष महाधिवेशनको उद्घाटन गर्ने भएका छन्।
उद्घाटनका लागि पार्टी सभापति शेरबहादुर देउवा र कार्यवाहक सभापति पूर्णबहादुर खड्कालाई ल्याउन आइतबार बिहान पनि अन्तिम समयसम्म पनि प्रयास भएको थियो। उक्त प्रयास महामन्त्रीहरूले नभई विशेष पक्षधरका दोस्रो तहका नेताहरूले गरेका हुन्। उनीहरू नआउने भएपछि महामन्त्रीद्वयले उद्घाटन गर्ने भएका हुन्।
पूर्वउपसभापति गोपालमान श्रेष्ठ र महामन्त्री थापा कार्यक्रम स्थलमा आइपुगेका छन्।
