: कांग्रेस विशेष महाधिवेशनको बन्दसत्रले पाँच सदस्यीय निर्वाचन समिति गठन गरेको छ। यसअघिको निर्वाचन समिति भंग गर्दै अधिवक्ता सीताराम केसीको संयोजकत्वमा पाँच सदस्यीय निर्वाचन समिति गठन गरिएको हो। समितिले निर्वाचनसम्बन्धी कार्यविधि/निर्देशिका तय गरी निर्वाचन सम्पन्न गर्नेछ।
महाधिवेशनबाट नयाँ नेतृत्व चयनको प्रक्रिया अघि बढाउन निर्वाचन समिति गठन गरिएको हो। सोमबारको बन्द सत्रमा महामन्त्रीद्वय गगन थापा र विश्वप्रकाश शर्माले राजनीतिक र सांगठनिक प्रतिवेदन पेश गरेका थिए। प्रतिवेदनमाथि सोमबारदेखि छलफल जारी छ।
काठमाडौंको भृकुटीमण्डपमा सोमबारदेखि बन्द सत्र जारी छ।
