— सुदूरपश्चिम प्रदेशबाट दुई जना राष्ट्रियसभा सदस्य निर्वाचनका लागि आइतबार भएकाे मतदानमा २२० मत मात्र खसेको छ।
स्थानीय तहका दुई र प्रदेशसभाका दुई जना मतदाता अनुपस्थित रहेका हुन्। राष्ट्रियसभा सदस्य निर्वाचन अधिकृतको कार्यालयका अनुसार प्रदेशसभा सदस्यहरु कांग्रेसका प्रकाशबहादुर देउवा र राप्रपा सांसद खेमादेवी बिष्ट अनुपस्थित रहे ।
सुदूरपश्चिम प्रदेशसभाका ४९ जना राष्ट्रियसभाका लागि मतदाता हुन् । यस्तै, धनगढी उपमहानगरपालिकाका नगरप्रमुख गोपाल हमाल र जोशीपुर गाउँपालिका उपाध्यक्ष रेखा कडरिया मतदानमा अनुपस्थित रहे ।
स्थानीय तहका १ सय ७१ जना मतदानमा सहभागी भएका छन् । सुदूरपश्चिम प्रदेशसभामा ५१ जना मतदाता संख्या छ । ८८ स्थानीय तह रहेको यस प्रदेशमा १ सय ७३ मतदाता रहेकोमा १ सय ७१ मत खसेको छ ।
जम्मा मतदाता संख्या २ सय २४ रहेकोमा चार मत नखसेको हो ।
सुदूरपश्चिममा महिलातर्फ १ र अन्य १ गरी दुई जना सदस्यका लागि मतदान भएको हो । जसका लागि ४ जना उम्मेदवार छन् । एमाले र कांग्रेसको गठबन्धन छ । कांग्रेस र एमालेको गठबन्धनबाट महिलातर्फ एमालेकी लिलाकुमार भण्डारी र कांग्रेसबाट खम्मबहादुर खाती सयुक्त उम्मेदवार छन् । नेपाली कम्युनिष्ट पार्टीबाट रोजी बस्नेत र टिकारम जैशी उम्मेदवार रहेका छन् ।
