मुख्य समाचार
भोटेकोशी र सुनकोशी नदी क्षेत्रमा हिउँदयाममै पर्यटकको चहलपहल लागेको छ
भोटेकोशी र सुनकोशी नदी क्षेत्रमा हिउँदयाममै पर्यटकको चहलपहल लागेको छ

— साहसिक जलयात्राका लागि विश्वकै उत्कृष्ट नदीनालामध्ये सातौं स्थानमा सूचीकृत भोटेकोशी र सुनकोशी नदी क्षेत्रमा हिउँदयाममै पर्यटकको चहलपहल लागेको छ।

सिन्धु सुकुटे पर्यटन व्यवसायी संघका अध्यक्ष महेन्द्रसिं थापाकाअनुसार यहाँ कठ्याग्रिदो चिसोका बाबजुद नदीमा र्‍याफ्टिङ गर्ने आन्तरिक तथा विदेशी पर्यटक तानिएका छन् । बिहानदेखि नदीको छालसँग लुकामारी खेल्दै अघि बढ्ने र्‍याफबोट र साँझ अरनिको राजमार्गसँगै देखिने टेन्ट तथा झिलीमिली रिसोर्टहरुले भोटेकोशी–सुनकोशी क्षेत्रलाई आकर्षक बनाएको छ ।

राजधानी काठमाडौंबाट करिब ७० किलोमिटर दूरीमा रहेको यो क्षेत्र हिउँदमा पनि साहसिक पर्यटनको केन्द्र बन्दै गएको छ। हाल नदीजन्य सामग्री उत्खनन् कम भएकाले कोठे, बलेफीबाट सुकुटेसम्म नदी स्वाभाविक लयमा फर्किएको छ । यससँगै साहसिक जलयात्रामा रमाउने पर्यटकको उपस्थिति सहज भएको व्यवसायी बताउँछन् ।

यसअघि प्रतिदिन चार सयभन्दा बढी नेपाली तथा विदेशी पर्यटक र्‍याफ्टिङका लागि भनेर आउने गरेका थिए । ‘हाल चिसोमा पनि दैनिक ५० देखि ६० पर्यटक सुकुटे आउँछन्, जसमा ३० ले र्‍याफ्टिङ गर्छन्, खासमा चिसो मौसम सहासिक जलयात्राका लागि अफ सिजन हो, यद्यपि र्‍याफ्टिङ गर्न आउन बन्द भएका छैनन्,’ थापाले भने । हाल सुनकोशी र भोटेकोशी नदी किनारमा र्‍याफ्टिङसहितका १० भन्दा बढी रिसोर्ट सञ्चालनमा छन् ।

जिल्लाको भोटेकोशी र सुनकोशी तटीयभेगमा मात्रै होटल तथा रिसोर्टको संख्या २० भन्दा बढी पुगेको नेपाल र्‍याफ्टिङ एसोसिएसनले जनाएको छ । भूकम्पअगाडि मात्रै कोशी किनारका रिसोर्टमा करिब सात लाख पर्यटक आएको तथ्यांक छ । सुकुटे रिभर फन बिच रिर्सोटका पर्यटन व्यवसायी ललित गिरीले यहाँ आउने अधिकांश पर्यटकको मुख्य आकर्षण जलयात्रा रहेको बताए । ‘युरोप, अमेरिकालगायत बाहृय मुलुकबाट आउने पर्यटकको पहिलो रोजाइ सुनकोशीमा र्याफ्टिङ हुन्छ,’ उनले भने ।

यससँगै माउन्टेन राइड र बन्जी जम्पजस्ता साहसिक खेलले पनि पर्यटकलाई तानेको छ । पर्यटकीय नगरी सुकुटेमा अर्को सहासिक खेलले भरिएको चिनिने थ्रिल भ्यालीमा हृयाममक केबुलकार, ३६० डिग्री स्वीङ र स्काई साइकलिङ सञ्चालनमा छन् । पर्यटन व्यवसायी महेन्द्र श्रेष्ठ र राजकुमार केसीसँग मिलेर झन्डै २ करोड लगानीमा थ्रिल भ्यालीमा यस्ता सेवा सुरु गरेको संञ्चालक सम्झना खड्का कार्कीले बताइन् । ‘यहाँको पर्यटन विकासमा थप योगदान पुर्‍याउन नयाँ एडभेन्चर टुरिज्म सुरु गरेका हौं । यो प्रभावकारी पनि देखिएको छ,’ उनले भनिन् ।

थ्रिल भ्यालीझै सुकुटे रिभर फन, माया बिच, रिभर वे, रक रिभरजस्ता दर्जनौं रिसोर्ट नयाँ साहसिक एडभेन्चर सेवा दिने प्रयासमा देखिन्छन् । थ्रिल भ्यालीबाहेक अन्य रिसोर्टको मुख्य आकर्षण भने जलयात्रा नै हो । नेपाल एसोसिएसन अफ र्‍याफ्टिङ एजेन्सिज (नारा) का अध्यक्ष तथा पर्यटन व्यवसायी शिव अधिकारीका अनुसार यतिबेला पनि र्‍याफ्टिङमा आउने पर्यटक उत्तिकै छन् ।



यस क्षेत्रमा वार्षिक करिब ६० हजार आन्तरिक र २० हजार विदेशी पर्यटक आउने गरेका छन् । तीमध्ये अधिकांशले सहासिक जलयात्राको आनन्द लिन्छन् । साहसिक जलयात्रा र रिसोर्ट व्यवसायमार्फत प्रत्यक्ष–अप्रत्यक्ष रुपमा करिब १ हजार जनाले रोजगारी पाएका छन् ।

प्रतिक्रिया दिनुहोस्
अन्य समाचारहरु
हलिउडकी चर्चित अभिनेत्री तथा ओस्कार विजेता ऐनी हैथवे तेस्रो सन्तानकी आमा बनेकी छिन् । ऐनी र उनका पति एडम शुलम्यानले तेस्रो सन्तानलाई परिवारमा स्वागत गरेका छन् । हालै अभिनेत्री न्युयोर्कका सडकमा आफ्नो नवजात शिशुलाई छातीमा टाँसेर हिँडिरहेको अवस्थामा देखिएकी छिन् । ऐनी र उनका पतिले अहिलेसम्म सन्तान जन्मिएको विषयमा भने कुनै आधिकारिक जानकारी सार्वजनिक गरेका छैनन् ...
। ‘नेपाल ग्लोबल फिल्म फेस्टिभल २०२७’ को तयारी तीव्र पारिएको छ । यो महोत्सव आगामी फागुन ७ देखि १० गतेसम्म काठमाडौंमा आयोजना हुनेछ । महोत्सवको उद्देश्य नेपाली फिल्मलाई विश्व बजारसँग जोड्ने र नेपाललाई अन्तर्राष्ट्रिय फिल्मको महत्वपूर्ण गन्तव्यका रूपमा स्थापित गर्ने रहेको आयोजकले जानकारी दिएका छन् । आयोजकका अनुसार महोत्सवमा विश्वका विभिन्न देशबाट करिब १०० जना फिल्मकर्मी, ...
पोर्चुगलका चर्चित फुटबलर क्रिस्टियानो रोनाल्डोले केही दिनअघि मात्रै राष्ट्रिय अन्तराष्ट्रिय खेलबाट सन्यास लिएका छन् । विश्वकै सर्वाधिक गोलकर्ता उनी अब पोर्चुगलको टोलीमा देखिने छैनन् । फुटबल मैदानमा आफ्नो उत्कृष्ट खेलबाट करोडौँ दर्शकको मन जितेका रोनाल्डो अब टेलिभिजनको दुनियाँमा पनि देखिने भएका छन् । उनले आफ्नो पहिलो टिभी सिरिज ‘डे १एस’ निर्माण गर्ने घोषणा गरेका छन्। यो सिरिजमा ...
: बेलायती कमेडियन तथा अभिनेता रसेल ब्रान्डलाई बलात्कार र यौन दुर्व्यवहारसम्बन्धी मुद्दामा साढे १० वर्षको जेल सजाय सुनाइएको छ । लन्डनस्थित साउथवार्क क्राउन अदालतले सोमबार ५१ वर्षीय ब्रान्डलाई उक्त सजाय सुनाएको हो । उनी सन् २००४ देखि २००९ सम्म चार महिलामाथि भएका यौन अपराधमा दोषी ठहर भएका थिए । जसमा एक बलात्कार र तीन यौन दुर्व्यवहारका ...
। नेपालमा सञ्चालित साना क्यासिनोले अब स्तरोन्नति हुन चाहे तोकिएको मापदण्ड पूरा गरी सोही प्रक्रियामा जान सक्ने भएका छन् । सरकारले क्यासिनो नियमावली संशोधन गरी सोही सुविधा उपलब्ध गराएको छ । पर्यटन विभागका अनुसार सानो क्यासिनो सञ्चालन गरिरहेका क्यासिनोले स्तरोन्नति गरी ठूलो क्यासिनो सञ्चालन गर्न चाहे वा हाल सञ्चालनमा रहेको क्यासिनोको खेल क्षेत्रको क्षेत्रफल बिस्तार गर्न, ...