: नेपाली कम्युनिस्ट पार्टीका संयोजक पुष्पकमल दाहाल प्रचण्डले सामाजिक सञ्जालमार्फत जनतामा छरिएका भ्रम चिर्न जरुरी रहेको बताएका छन्। मंगलबार पार्टी कार्यालय पेरिसडाँडामा क्रान्तिकारी कम्युनिष्ट पार्टी, नेपाल (एकता पक्षधर समूह)लाई नेकपामा समाहित गराउँदै प्रचण्डले सामाजिक सञ्जालमा स्टन्टबाज गरेको भरमा नै जनताको दिमाग चाट्ने काम भइरहेको भन्दै त्यसलाई सबै एकताबद्ध भएर मात्रै रोक्न सकिने बताएका हुन्।
सिद्धान्त र विचारको खडेरी भएकाहरूले सामाजिक सञ्जालमा स्टन्टबाज गर्ने काम गरेको उनको भनाइ छ । त्यस्तै प्रचण्डले भाद्र २३ र २४ को घटनापछि मुलुक गम्भीर संकटमा परेकाले सबै बामपन्थीहरूलाई एकैठाउँमा ल्याउने प्रयास गरिएको उल्लेख गरे।
कम्युनिस्ट आन्दोलनलाई बलियो बनाउँदै जनताको विकास र समृद्धिको आकाङ्क्षालाई सम्बोधन गर्न एकतावद्ध हुनुको विकल्प नरहेको उनको भनाइ छ । प्रचण्डले पहिलाका माओवादी घटकहरू ढिलोचाँडो एकै ठाउँमा आउने दावी गर्दै मोहन वैद्य किरणलाई पनि नेकपामै सामेल हुन आह्वान समेत गरे।
त्यस्तै मंगलबार नै चुरे भावर पार्टीलाई नेपाली कम्युनिष्ट पार्टीमा समायोजन गराइएको छ ।
