मुख्य समाचार
‘बीटीएस’ क्रेज : शो संख्या थपिदिन कोरियाली राष्ट्रपतिलाई मेक्सिकन समकक्षीको आग्रह
‘बीटीएस’ क्रेज : शो संख्या थपिदिन कोरियाली राष्ट्रपतिलाई मेक्सिकन समकक्षीको आग्रह

४ वर्षको पर्खाइपछि चर्चित के-पप ब्यान्ड बीटीएस सांगीतिक टूरमा फर्कदैछ । अहिले यो टूरको टिकटलाई यति धेरै मारामार भएको छ कि मेक्सिकोकी राष्ट्रपतिले नै दक्षिण कोरियाली समकक्षीलाई आफ्नो देशमा अझै शो थपिदिन अनुरोध गरेकी छिन् ।

मेक्सिकोकी राष्ट्रपति क्लाउडिया सेनबाउमले सोमबार भनिन्, ‘मैले कोरियाका राष्ट्रपतिलाई चिठी त लेखेकी छु… अहिलेसम्म जवाफ त आएको छैन, तर आशा गरौँ राम्रै सन्देश आउनेछ ।’




मेक्सिको सिटीमा हुने भनिएका ३ वटा शोका टिकट खुलेको ४० मिनेटभित्रै सकिएका थिए । बीटीएसले आफ्नो ७९ दिने विश्व भ्रमणका क्रममा मेक्सिकोमा मे महिनामा शो गर्दैछ ।

टिकटको मूल्यमा मनपरी गरिएको र कालोबजारी भएको भन्दै फ्यानले ‘टिकट मास्टर’ विरुद्ध उजुरी गरेपछि अहिले यसको छानबिन पनि सुरु भएको छ ।




आधिकारिक च्यानल ‘टिकट मास्टर’ मा टिकटको मूल्य झन्डै (नेपाली रकममा) १०,००० नेरुदेखि १ लाख ३५ हजार नेरुसम्म तोकिएको थियो । तर अचम्मको कुरा त के छ भने, ‘रिसेल’ (दोस्रो पटक बेचिने) साइटमा त्यही टिकटको भाउ ८५ हजारदेखि ७ लाख नेरुसम्म पुर्‍याइएको छ ।

टिकटको मारामार मात्र होइन, ठूलै आर्थिक चलखेल नै देखिएको छ । मेक्सिकोको उपभोक्ता हित संरक्षण गर्ने निकायले स्टबहब र भियागोगोजस्ता टिकट पुनः बिक्री गर्ने (रिसेल) प्लेटफर्महरूलाई कारबाही गरेको छ । टिकट बिक्री प्रक्रियामा “अन्यायपूर्ण र ठगीपूर्ण व्यवहार’ गरेको आरोपमा उनीहरूलाई कार्वाही गरिएको हो ।

यसको मुख्य कारण माग र आपूर्तिको ठुलो खाडल नै हो । राष्ट्रपति सेनबाउमले सोमबार भनिन्, ‘कन्सर्टका लागि जम्मा १ लाख ५० हजार टिकट उपलब्ध थिए, तर त्यसको होडबाजीमा चाहिँ करिब १० लाख युवाहरू लाइनमा थिए । मेक्सिकोका तन्नेरीमाझ यो ब्यान्ड साह्रै नै लोकप्रिय छ ।’

१० लाख मान्छेले डेढ लाख टिकटका लागि लुछाचुँडी गर्दा यस्तो समस्या आउनु स्वभाविकै पनि हो । यति ठूलो क्रेज देखेपछि नै राष्ट्रपतिले थप शोका लागि पहल गरेकी हुन् ।

सन् २०२२ को जुनदेखि बीटीएसले एउटा समूहको रूपमा कुनै नयाँ गीत निकालेका थिएनन् । सबैजना आ-आफ्नै सोलो करियरमा व्यस्त भए, अनि त्यसपछि पालैपालो सेनाको तालिममा गए । त्यसैले पनि अहिले यो ‘कमब्याक’ लाई लिएर संसारभरि यति धेरै हल्लाखल्ला भएको हो ।

यो वर्षकै सबैभन्दा ठूलो मध्येको एक मानिएको यो टूर अप्रिल ९ मा दक्षिण कोरियाको गोयाङ स्टेडियमबाट सुरु हुँदैछ । त्यसपछि उनीहरू एसिया, युरोप र अमेरिकाका विभिन्न सहरमा पुग्नेछन् ।

बीबीसीबाट ।

प्रतिक्रिया दिनुहोस्
अन्य समाचारहरु
हलिउडकी चर्चित अभिनेत्री तथा ओस्कार विजेता ऐनी हैथवे तेस्रो सन्तानकी आमा बनेकी छिन् । ऐनी र उनका पति एडम शुलम्यानले तेस्रो सन्तानलाई परिवारमा स्वागत गरेका छन् । हालै अभिनेत्री न्युयोर्कका सडकमा आफ्नो नवजात शिशुलाई छातीमा टाँसेर हिँडिरहेको अवस्थामा देखिएकी छिन् । ऐनी र उनका पतिले अहिलेसम्म सन्तान जन्मिएको विषयमा भने कुनै आधिकारिक जानकारी सार्वजनिक गरेका छैनन् ...
। ‘नेपाल ग्लोबल फिल्म फेस्टिभल २०२७’ को तयारी तीव्र पारिएको छ । यो महोत्सव आगामी फागुन ७ देखि १० गतेसम्म काठमाडौंमा आयोजना हुनेछ । महोत्सवको उद्देश्य नेपाली फिल्मलाई विश्व बजारसँग जोड्ने र नेपाललाई अन्तर्राष्ट्रिय फिल्मको महत्वपूर्ण गन्तव्यका रूपमा स्थापित गर्ने रहेको आयोजकले जानकारी दिएका छन् । आयोजकका अनुसार महोत्सवमा विश्वका विभिन्न देशबाट करिब १०० जना फिल्मकर्मी, ...
पोर्चुगलका चर्चित फुटबलर क्रिस्टियानो रोनाल्डोले केही दिनअघि मात्रै राष्ट्रिय अन्तराष्ट्रिय खेलबाट सन्यास लिएका छन् । विश्वकै सर्वाधिक गोलकर्ता उनी अब पोर्चुगलको टोलीमा देखिने छैनन् । फुटबल मैदानमा आफ्नो उत्कृष्ट खेलबाट करोडौँ दर्शकको मन जितेका रोनाल्डो अब टेलिभिजनको दुनियाँमा पनि देखिने भएका छन् । उनले आफ्नो पहिलो टिभी सिरिज ‘डे १एस’ निर्माण गर्ने घोषणा गरेका छन्। यो सिरिजमा ...
: बेलायती कमेडियन तथा अभिनेता रसेल ब्रान्डलाई बलात्कार र यौन दुर्व्यवहारसम्बन्धी मुद्दामा साढे १० वर्षको जेल सजाय सुनाइएको छ । लन्डनस्थित साउथवार्क क्राउन अदालतले सोमबार ५१ वर्षीय ब्रान्डलाई उक्त सजाय सुनाएको हो । उनी सन् २००४ देखि २००९ सम्म चार महिलामाथि भएका यौन अपराधमा दोषी ठहर भएका थिए । जसमा एक बलात्कार र तीन यौन दुर्व्यवहारका ...
। नेपालमा सञ्चालित साना क्यासिनोले अब स्तरोन्नति हुन चाहे तोकिएको मापदण्ड पूरा गरी सोही प्रक्रियामा जान सक्ने भएका छन् । सरकारले क्यासिनो नियमावली संशोधन गरी सोही सुविधा उपलब्ध गराएको छ । पर्यटन विभागका अनुसार सानो क्यासिनो सञ्चालन गरिरहेका क्यासिनोले स्तरोन्नति गरी ठूलो क्यासिनो सञ्चालन गर्न चाहे वा हाल सञ्चालनमा रहेको क्यासिनोको खेल क्षेत्रको क्षेत्रफल बिस्तार गर्न, ...