: प्रतिनिधि सभा निर्वाचनको लागि रौतहटमा १८ वटा मतदान केन्द्र र १ मतदान स्थल थप गरिएको छ।
जिल्ला निर्वाचन कार्यालय रौतहटका अनुसार दिएको २०७९ सालमा भएको प्रतिनिधिसभाको निर्वाचनको तुलनामा यस वर्ष १८ वटा मतदान केन्द्र र एउटा मतदानस्थल थप गरिएको हो।
२०७९ सालको प्रतिनिधिसभाको निर्वाचनमा रौतहटमा ५ सय २३ वटा मतदान केन्द्र रहेकोमा यस वर्ष १८ वटा थपिएर ५ सय ४१ वटा मतदान केन्द्र कायम भएको जिल्ला निर्वाचन कार्यालय रौतहटका प्रमुख छोटेलाल दासले जानकारी दिए ।
निर्वाचन कार्यालयका अनुसार, १५२ अति संवेदनशील, १०० संवेदनशील र २७ मतदान स्थल सामान्य छन्।
यसैगरी २०७९ सालको प्रतिनिधि सभाको निर्वाचनमा २ सय ७६ वटा मतदान स्थल कायम रहेकोमा यस वर्ष एउटा मतदान स्थल थपेर २ सय ७७ वटा स्थल कायम थियो। गरुडा नगरपालिका वार्ड नं.म ६ मा नयाँ मतदान स्थल थपिएको दासले जानकारी दिए।
रौतहटमा २१ हजार एक सय ५६ जना मतदाता थपिएका छन्। जिल्ला निर्वाचन कार्यालय रौतहटका प्रमुख दासका अनुसार रौतहटमा अहिले ४ सय ३६ हजार ६ सय ११ जना मतदाता रहेका छन्। मतदाता थपिएसंगै मतदान स्थल र मतदान केन्द्र पनि थपिएको कार्यालय प्रमुख दासले बताए।
२०७९ को प्रतिनिधि सभाको निर्वाचनमा ४ लाख १५ हजार ४ सय ५५ जना मतदाता थिए। २ गाउँपालिका र १६ नगरपालिका रहेको रौतहटमा ४ वटा प्रतिनिधि सभा निर्वाचन क्षेत्र रहेका छन् जसमा १ सय ५७ वटा वार्डहरु रहेका छन्। सो निर्वाचनमा ४ लाख १५ हजार ४ सय ५५ जना मतदातामध्ये २ लाख ८२ हजार ४ सय ३० जना मतदाताहरुले मतदान गरेका थिए भने २०७९ को निर्वाचनमा क्षेत्र नं १ बाट तत्कालीन नेकपा एसको तर्फबाट माधव कुमार नेपाल, क्षेत्र नं. २ बा स्वतन्त्र उम्मेदवार किरण साह, क्षेत्र नं. ३ बाट आजपा अध्यक्ष प्रभु साह र क्षेत्र नं. ४ बाट नेपाली कांग्रेसको तर्फबाट देब प्रसाद तिमलसिना निर्वाचित भएका थिए।
