मुख्य समाचार
सरकारी स्वामित्वको कृषि सामग्री कम्पनी लिमिटेडले ३० हजार टन युरिया मल खरिद प्रक्रिया अगाडि बढाएको छ
सरकारी स्वामित्वको कृषि सामग्री कम्पनी लिमिटेडले ३० हजार टन युरिया मल खरिद प्रक्रिया अगाडि बढाएको छ

। सरकारी स्वामित्वको कृषि सामग्री कम्पनी लिमिटेडले ३० हजार टन युरिया मल खरिद प्रक्रिया अगाडि बढाएको छ ।

कम्पनीले आज मंगलबार सूचना जारी गर्दै ‘युरिया ४६–०–०’ रासायनिक मल आपूर्तिका लागि अन्तर्राष्ट्रिय स्तरको सार्वजनिक बोलपत्र (ग्लोबल टेन्डर) आह्वान गरेको हो । यो खरिद प्रक्रिया कम्पनीको वार्षिक कार्यक्रम अन्तर्गत सञ्चालन गर्न लागिएको हो ।




अन्तर्राष्ट्रिय प्रतिस्पर्धात्मक बोलपत्र (आईसीबी) को ‘सिंगल स्टेज टु इन्भेलोप’ प्रक्रिया मार्फत अगाडि बढाइने यस ठेक्कामा सहभागी हुने बोलपत्रदाताले प्राविधिक र आर्थिक प्रस्ताव छुट्टाछुट्टै खाममा पेस गर्नुपर्ने छ ।

आपूर्तिकर्ताले खरिद गरिएको मल भारतको कोलकाता वा हल्दिया बन्दरगाह हुँदै नेपालका प्रमुख तीन व्यापारिक नाका विराटनगर, वीरगञ्ज र भैरहवास्थित कम्पनीका गोदाममा डेलिभरी गर्नुपर्ने छ ।




यसका लागि आपूर्तिकर्ताले नै अन्तिम गन्तव्यसम्मको बीमाको व्यवस्था गर्नुपर्ने सर्त राखिएको छ ।

खरिद प्रक्रियामा सहभागी हुन चाहने इच्छुक विदेशी कम्पनीले सार्वजनिक खरिद अनुगमन कार्यालयको वेबसाइट मार्फत विद्युतीय बोलपत्र पेस गर्न सक्नेछन् ।

बोलपत्र फारमको दस्तुर २० हजार नेपाली रुपैयाँ तोकिएको छ, जुन रकम नेपाल इन्भेस्टमेन्ट मेगा बैंकको कालीमाटी शाखामा रहेको कम्पनीको खातामा जम्मा गर्नुपर्ने छ ।

साथै, बोलपत्रको साथमा ४ लाख ३७ हजार अमेरिकी डलर बराबरको बिड सेक्युरिटी (धरौटी) पेस गर्नुपर्ने अनिवार्य व्यवस्था गरिएको छ ।

कम्पनीका अनुसार यो टेन्डर प्रक्रियाको पूर्वबोलपत्र बैठक आगामी २१ फागुन दिउँसो २ बजे कम्पनीको केन्द्रीय कार्यालय कुलेश्वरमा आयोजना गरिने छ ।

इच्छुक कम्पनीहरूले आगामी ६ चैत दिउँसो १ बजेसम्म आफ्नो प्रस्ताव दर्ता गरिसक्नुपर्ने छ भने सोही दिन दिउँसो २ बजे बोलपत्रदाताका प्रतिनिधिहरूको उपस्थितिमा बोलपत्र खोलिने छ ।

पछिल्लो समय मल आपूर्ति सहज बनाउन र किसानलाई समयमै मल उपलब्ध गराउन कम्पनीले यो महत्त्वपूर्ण खरिद प्रक्रिया सुरु गरेको हो ।

बोलपत्र पेस गर्ने अन्तिम दिन सार्वजनिक बिदा परे त्यसको भोलिपल्टलाई अन्तिम मिति मानिने कम्पनीले स्पष्ट पारेको छ ।

थप जानकारीका लागि इच्छुक कम्पनीले कृषि सामग्री कम्पनीको वेबसाइट भ्रमण गर्न वा सिधै कुलेश्वरस्थित कार्यालयमा सम्पर्क गर्न सक्नेछन् ।

प्रतिक्रिया दिनुहोस्
अन्य समाचारहरु
: अर्थ समितिका सभापति डा. कृष्णहरि बुढाथोकीले स्वास्थ्य क्षेत्रको सुधारका लागि अन्तर्राष्ट्रिय सहयोग महत्त्वपूर्ण रहेको बताएका छन्। इन्डोनेसियाको बालीमा आयोजित एसियाली संसदीय स्वास्थ्य तथा अर्थ समिति सभापतिहरूको बैठकमा नेपालको तर्फबाट प्रतिनिधित्व गर्दै बुढाथोकीले नेपालको स्वास्थ्य प्रणालीका चुनौती, सुधारका सम्भावना र आवश्यक नीतिगत प्राथमिकताबारे धारणा राखेका थिए। उनले नेपालको तर्फबाट स्वास्थ्य क्षेत्रको दिगो वित्तपोषण, नीतिगत सुधार, सुशासन, ...
: अर्थमन्त्री डा. स्वर्णिम वाग्लेले भोटेकोशी बाढीप्रभावित क्षेत्रमा राहत, पुनर्निर्माण र पुनरुत्थानका लागि बजेटको अभाव हुन नदिने बताएका छन्। शुक्रबार बसेको प्रतिनिधि सभाअन्तर्गतको हिमालमा जलवायु परिवर्तनको प्रभाव, जलवायु न्याय तथा भोटेकोशी-त्रिशूली विपद्सम्बन्धी संसदीय विशेष समितिको बैठकमा मन्त्री वाग्लेले भोटेकोशी बाढीबाट २ दशमलव ७ देखि २ दशमलव ८ बिलियन डलरको क्षति देखिएको जानकारी दिए। पुनर्निर्माणका लागि करिब ...
। चालु आर्थिक वर्ष २०८३/८४ पहिलो तीन महिना (साउन-असोज) को बजेट कार्यान्वयनमा मिश्रित नतिजा देखिएको छ । अर्थ मन्त्रालयका अनुसार पहिलो त्रैमासिक अवधिमा सरकारले राजस्व संकलन गत आव सोही अवधिको तुलनामा उल्लेख्य बढाउन सफल देखिन्छ । तर, खर्चमा पुरानै प्रवृत्ति हाबी भयो । भएको खर्चमा पनि पूँजीगतभन्दा बढी चालु र ऋण भुक्तानी सेवामा अधिक खर्च भएको ...
: तिहार तथा धनतेरसलाई लक्षित गर्दै नेपाल राष्ट्र बैंकले सुनको असर्फी तथा चाँदीका मेडालियन आजबाट बिक्री सुरु गरेको छ। राष्ट्र बैंकको टक्सार महाशाखा, बबरमहलबाट कात्तिक १९ र २० गते सर्वसाधारणका लागि सुनको असर्फी तथा चाँदीका मेडालियन बिक्री गर्न लागेको हो। राष्ट्र बैंकले कात्तिक १८ गते सूचना जारी गर्दै दुवै दिन बिहान ११ बजेदेखि दिउँसो ३ बजेसम्म ...
: आउँदै गरेको दीपावली पर्वका लागि काठमाडौं महानगरपालिकाले महानगरको विभिन्न क्षेत्रमा फूल तथा माला बिक्रीका लागि स्थान तोकिएको छ। महानगरले प्लास्टिकजन्य फूल, फूलको माला तथा सजावटका विभिन्न सामाग्री बिक्री वितरणमा रोक गर्नुका साथै स्वदेशी फूल र मालाको बिक्री वितरणलाई प्राथमिकता दिन आग्रह गरेको छ। यदि उल्लंघन गरेको पाइएकोमा सामान जफत गर्ने सूचनाले जानकारी गरेको छ। ...