: प्रतिनिधिसभा सदस्यको निर्वाचनलाई निष्पक्ष र भयरहित बनाउन आजदेखि नेपाली सेना परिचालन हुँदैछ। आगामी फागुन २१ गते हुने निर्वाचनलाई दृष्टिगत गरी नेपाली सेनाको संयोजकत्वमा नेपाल प्रहरी, सशस्त्र प्रहरी बल नेपाल र राष्ट्रिय अनुसन्धान विभाग एकीकृतरूमपा परिचालित हुन लागेका हुन् ।
नेपाली सेनाले निर्वाचन प्रयोजनका लागि १६५ वटै निर्वाचन क्षेत्रमा परिचालित हुने जनाएको छ।एकीकृत सुरक्षा योजनाबमोजिम निर्वाचन प्रयोजनका लागि भर्ना गरिएका ‘निर्वाचन प्रहरी’ (म्यादी) पनि निर्वाचन सुरक्षामा खटिइनेछन्।निर्वाचन आयोगका अनुसार नेपाल प्रहरी र निर्वाचन प्रहरीले मतदानस्थलको भित्री घेरा, दोस्रो तहको सुरक्षा घेराको जिम्मेवारी सशस्त्र प्रहरी बल र सेनाले सुरक्षा घेराको बाहिरी तहमा रहनेछ।
गत मंसिर ११ गते प्रधानमन्त्रीको सिफारिस तथा मन्त्रिपरिषद्को निर्णयानुसार राष्ट्रपति रामचन्द्र पौडेलले निर्वाचन सुरक्षा व्यवस्थाका लागि नेपाली सेना परिचालन गर्ने स्वीकृति प्रदान गरेका थिए। निर्वाचनको एक महिना अघिबाट फिल्डमा सेना परिचालन हुन लागेको हो।सेनाले निर्वाचनका लागि ८० हजार जनशक्ति परिचालन गर्ने तयारी गरेको छ ।
नेपाली सेनाले निर्वाचनपूर्वको मुख्य जिम्मेवारी मतपत्र छपाइ, मतपत्र ढुवानी, मतदानस्थलको सुरक्षा, मतपेटिका ढुवानी र मतगणनास्थको सुरक्षासम्मको जिम्मेवारी सेनाले सम्हाल्नेछ।निर्वाचनका लागि देशभर १० हजार ९६७ मतदानस्थलमा २३ हजार ११२ मतदान केन्द्र निर्धारण गरिएको छ।
