— बैतडीको दोगडाकेदार–३ श्रीकोटस्थित घोणेधार भन्ने ठाउँमा ईभी हाइस दुर्घटना हुदा एक जनाको मृत्यु भएको छ ।
मृत्यु हुनेमा ईभि चालक दोगडाकेदार गाउँपालिका–५ न्वाली बस्ने २५ वर्षीय मदन ठगुन्ना रहेको जिल्ला प्रहरी कार्यालय बैतडीका सूचना अधिकारी एवं प्रहरी नायव निरीक्षक बल्देब बडूले जानकारी दिए ।
शनिबार राति पौनै १० बजे तिर सिल्लेगडाबाट बडिँयातर्फ गइरहेको सुपप्र ०३००१ ज ०६२४ नम्बरको ईभी हाइस दुर्घटना भएको थियो । दुघटनामा चालक ठगुन्ना घाइते भएका थिए ।
घाइते ठगुन्नाको उपचारको क्रममा डडेल्धुरा अस्पतालमा मृत्यु भएको हो । ईभी हाइस सडकबाट करिब २५० मिटर तल खोलामा खसेको र हाइसमा चालकमात्र रहेको प्रहरीले जनाएको छ ।
बिहीबार पनि बैतडीको पुर्चौडी नगरपालिका–७ मा जन्ती लिएर फर्किने क्रममा बस दुर्घटना हुँदा बैतडी र बझाङका गरी १३ जनाको मृत्यु भएको थियो ।
