— बेलायतका पूर्वराजकुमार एन्ड्रयु माउन्टबेटन एप्स्टिन फाइल प्रकरणमा मुछिएपछि राजा चाल्र्स चिन्तित भएका छन् । उनले यस प्रकरणमा प्रहरीलाई सहयोग गर्न तयार रहेको बताएका छन् ।
‘राजाले माउन्टेबटन विन्डसरको आचरणका सम्बन्धमा आइरहेका आरोपहरुप्रति चिन्ता प्रकट गर्नुभएको छ,’ बकिङह्याम दरबारका प्रवक्ताले जारी गरेको विज्ञप्तिमा उल्लेख छ,‘कुनै प्रश्नहरु सम्बोधन गर्नुपर्ने भयो र प्रहरीले हामीलाई सम्पर्क गर्यो भने हामी उनीहरुलाई सहयोग गर्न तयार छौं ।’
दरबारको विज्ञप्तिमा राजा र रानीको ‘सहानुभूति दुव्र्यवहारमा परेका पीडितहरूप्रति’ नै रहने पनि स्पष्ट पारिएको छ ।
थेम्स भ्याली प्रहरीले यस घटनाबारे अनुसन्धान गरिरहेको छ । एप्स्टिन फाइलका केही अंशहरु सार्वजनिक हुनासाथ अक्टुबर २०२५ मा एन्ड्रयुले आफ्नो राजकुमार पदवी छाड्ने घोषणा गरेका थिए । उनले एप्स्टिनसँगको मित्रता स्विकारेपनि आफुले कुनै गलत आरोप नगरेको दाबी गर्दै आएका छन् ।
तर पछिल्ला फाइलहरुले अर्कै संकेत गरेका छन् । एप्स्टिन फाइलहरुको पछिल्लो ब्याचमा भेटिएका इमेलहरुमा पूर्व राजकुमारले कुख्यात यौन अपराधी जेफ्री एप्स्टिनलाई सिंगापुर, हङकङ र भियतनामको भ्रमणको विवरण दिएका छन् । त्यस्तै, उनले लगानी अवसरहरूको गोप्य विवरणहरू पनि दिएको देखिन्छ ।
अफगानिस्तानमा लगानीका अवसरहरू देखिएको विषयमा पनि एन्ड्रयुले इमेलमा गरेका छन् , यसलाई इमेलमा यस विषय गोप्य राख्न भनिएको थियो ।
एउटा इमेलमा जेफ्री एप्स्टिनले राजकुमारसँगको यौन सम्पर्कका लागि एक महिलालाई बेलायत पठाएको उल्लेख छ । एउटा फाइलमा एन्ड्रयुको आपत्तिजनक तस्विर पनि भेटिएको छ ।
कतिवटा इमेलहरु राजकुमारकी पूर्वपत्नी सारा फग्र्युसनको नामबाट गएका छन् । यसमा एप्स्टिनसँग सहयोग र पैसाको अनुरोध गरिएको छ । साराले यसमा आफ्नो संलग्नता नरहेको र पूर्वपतिले नाम बद्नाम गरेको बताएकी छिन् ।
यौन अपराधी जेफ्री एप्स्टिनले क्यारेबियन सागर क्ष्ोत्रसहित विभिन्न स्थानमा विलासी होटलहरु खोलेका थिए । जहाँ उनले विशिष्ट पाहुनाहरुलाई हेलिकोप्टरमा लैजाने गथ्र्ये । यसक्रममा किशोरीहरुलाईे त्यहाँ लग्ने गरेको र जर्बजस्ती विशिष्ट पाहुनासँग यौन सम्पर्क राख्नका लागि दबाब दिने गरेको आरोप जेफ्रीमाथि लागेको थियो । उनी सन् २००८ मा जेल बसेर निस्किएपनि यस धन्दालाई कायमै राखे ।
सन् २०१५ मा भर्जिनिया रोबर्टस् जियुफ्रीले उनीविरुद्ध मुद्दा हालेकी थिइन् । आफुलाई एप्स्टिन र उनकी सहयोगी गिस्लिन म्याक्सवेलले किशोरावस्थामै तस्करी गरेर क्यारेबियन क्षेत्रमा लगेको र धनाढ्यहरुसँग यौन सम्पर्क राख्न दबाब दिएको उनको आरोप थियो ।
१७ वर्षको छँदा आफुमाथि राजकुमार एन्ड्रयुले तीनपटक बलात्कार गरेको समेत उनको आरोप थियो । उनले एन्ड्रयु विरुद्ध समेत यस विषयमा २०२१ मा मुद्दा चलाएकी थिइन् । यस आरोपलाई राजकुमार एन्ड्रयुले अस्विकार गर्दै आएका छन् ।
२५ अप्रिलमा २०२५ मा भर्जिनिया रोबर्टस्को निधन भएको थियो । त्यसको केही समयपछि बाहिरिएका एप्स्टिनसँग सम्बन्धित एकपछि अर्को फाइलले एन्ड्रयूलाई थप विवादमा तानेको छ ।
