: गौरको मुख्य भागमा अवस्थित करदाता सेवा कार्यालय र भवनमा रहेका सामानहरु आन्तरिक राजस्व कार्यालय सिमरातर्फ लैजान खोजिएपछि स्थानीय ब्यापारी आन्दोलनमा उत्रिएका छन् । रौतहट उद्योग वाणिज्य संघका पदाधिकारीहरु र स्थानीय व्यापारीहरुले सामान लोड गरिएको ट्रक नियन्त्रणमा लिएर अहिले बजार बन्द गरेर आन्दोलन गरिरहेका छन् ।
व्यापारीहरुले बाटोमा बसेर अवरोध सिर्जना गरेपछि अहिले त्यहाँ बाक्लो संख्यामा सुरक्षाकर्मीहरु परिचालन गरिएको छ । यस्तै ट्रकमा लोड भएका सामानहरु पुनः कार्यालयमा राखिएको रौतहट उद्योग वाणिज्य संघका महासचिव सन्तोष केसरीले बताए ।
नेपाली कांग्रेसका युवा नेता नितेशकुमार गुप्ताले यसरी ‘चोर शैली’ मा कार्यालय सार्ने सरकारको नियतमाथि गम्भीर प्रश्नचिन्ह खडा गर्दै अविलम्ब गौरमा करदाता सेवा कार्यालय पूर्णरुपमा आफ्नै भवनबाट सञ्चालन हुनुपर्ने नेपाली कांग्रेसको अडान रहेको बताए ।
विगतमा प्रमुख जिल्ला अधिकारीसँग भएको सहमति विपरित करदाता सेवा कार्यालयबाट सामानहरु लैजान खोजिएकाले रौतहट उद्योग वाणिज्य संघले बजार बन्द गराएको महासचिव केसरीले बताए ।
