— नेपाली क्रिकेट टिमका मुख्य प्रशिक्षक स्टुवार्ट लले ट्वान्टी ट्वान्टी विश्वकप २०२६ मा वेस्ट इन्डिजको सामना गर्दा त्यो निकै कठिन चुनौती हुने बताएका छन् ।
नेपालले आइतबार वानखेडेमा हुने आफ्नो तेस्रो खेलमा वेस्ट इन्डिजको सामना गर्दैछ । त्यसअघि शनिबार मिडियासामु प्रस्तुत हुने क्रममा लले त्यस नेपालले सक्दो धेरे राम्रो गर्नु पनि स्वीकारे । उनले वेस्ट इन्डिजविरुद्धको खेलमा आफ्नो ध्यान नतिजामा भन्दा टिमको प्रदर्शनमा केन्द्रित हुने पनि बताए ।
उनले भने, ‘इटालीविरुद्धको खेल वास्तवमै निराजशान रह्यो । इंग्ल्यान्डविरुद्ध पहिलो खेलमा जसरी खेलेका थियौं, त्यसको ठीक विपरितको खेल रह्यो । त्यस हारमा माफि दिन सकिन्न । हामीले त्यस खेलपछि खेलाडीसँग कुराकानी गरेका छौं । वेस्ट इन्डिजको सामना गर्दा हाम्रो टिमबाट कुनै प्रकारको भुल स्विकार्य हुने छैन् । इंग्ल्यान्डविरुद्धको खेल अन्तिम बलसम्म फुगेको थियो, जसरी हामीले विश्व क्रिकेटको शत्तिविरुद्ध खेल्यौं, त्यसमा गर्व छ ।’
प्रशिक्षक लले विश्वकप जस्तो ठूलो प्रतियोगितामा खेल्न धेरै दबाब हुने पनि बताए । उनले थपे, ‘मैले खेलाडी र प्रशिक्षक दुवै रूपमा विश्वकप खेलेको छु, त्यसैले यति ठूलो प्रतियोगिता खेल्दा कति दबाब हुन्छ, त्यो मलाई राम्रोसँग छ ।’ उनले नेपाली क्रिकेटलाई अझ अगाडि बढाउने हो भने घरेलु प्रतियोगिता अझ व्यवस्थित र सुदृढ हुनु पर्ने बताए । उनको भनाई थियो, ‘नेपाली क्रिकेटलाई प्रथम श्रेणीको क्रिकेट आवश्यक छ । नेपाली खेलाडी धेरै दिनको खेल खेल्न अभ्यस्त हुनु पर्छ ।’
उनले नेपाल प्रिमियर लिग (एनपीएल) को पनि प्रशंसा गर्दै यो प्रतियोगिताले विस्तारै नेपाली क्रिकेटलाई बलियो बनाउने बताए । तर उनको थप भनाई थियो, ‘तर यतिले मात्र पुग्दैन् । ट्वान्टी ट्वान्टी क्रिकेट रमाइलो त हुन्छ, तर हामीलाई चाहिने भनेको दुई दिन अथवा त्यो बढीकै क्रिकेट नै हो । यसले ब्याटर होस अथवा बलर, दुवैलाई निखार्न मदत गर्नेछ ।’
