— आर्सनलले इंग्लिस प्रिमियर लिगमा आइतबार टोटनहमलाई ४–१ ले पराजित गर्दै लिग तालिकाको शीर्षमा ५ अंकको अग्रता लिएको छ । यो जितपछि आर्सनलको ६१ अंक भएको छ ।
उसको पछाडि म्यानचेस्टर सिटी ५६ अंकमा रहेको छ ।
लन्डनको टोटनहम स्टेडियममा भएको खेलमा आर्सनलका लागि इबेरची इजी र भिक्टर ग्योकेरेसले दुई/दुई गोल गरे । टोटनहमका लागि रान्डल कोलो मुनीले एक गोल फर्काए ।
अन्य खेलमा लिभरपुलले नटिंघम फरेस्टलाई १–० ले हराएर आफ्नो शीर्ष चारको सम्भावनालाई कायम राख्यो । उसको ४५ अंक भएको छ । यस्तै क्रिस्टल प्यालेसले उल्भ्सलाई १–० ले पराजित गर्यो
