: निवर्तमान सभामुख देवराज घिमिरेले रास्वपा सभापति रवि लामिछानेलाई जनतालाई भावनामा बहकाउँदै अरूविरूद्ध अफवाह, घृणा र लान्छना नलाउन चेतावनी दिएका छन्। आज एक विज्ञप्ति जारी गर्दै उनले घृणा, व्यक्तिगत आरोप वा विभाजन फैलाउने कुरा चुनावी प्रतिस्पर्धामा लामो समयसम्म नटिक्ने बताएका हुन्।
उनले आफू निर्वाचित भएपछि सांसद पदमा बहाल रहन सक्ने कानूनी आधारसमेत नभएको अवस्थामा कुन नैतिकताले मत मागिरहनुभएको छ ? भन्दै लामिछानेले प्रश्न गरे। ‘रविजीले फैलाएको घृणाप्रति म खेद व्यक्त गर्दछु। तपाईंलाई जवाफ दिँदै म पनि भन्न सक्छु- "आफू निर्वाचित भएपछि सांसद पदमा बहाल रहन सक्ने कानूनी आधारसमेत नभएको अवस्थामा कुन नैतिकताले मत मागिरहनुभएको छ ?" तर म आक्षेप र आफू माथि देखिन अरूलाई अपराधी देख्ने प्रवृत्तिको पक्षमा छैन। आफूमाथि प्रतिशोध भएको भन्दै जनतालाई भावनामा बहकाउँदै अरूविरूद्ध अफवाह, घृणा र लान्छाना नलाउन अपिल गर्दछु।’
उनले माइक काट्ने/काटिने विषय सभामुखको व्यक्तिगत विचारले नभई संसदमा पूर्वनिर्धारित समय र नियमावली अनुसार गरिने उनको स्पष्टोक्ति छ।
उनले झापा क्षेत्र नम्बर २ मा एउटै कार्यकालका सभामुख, उपसभामुख र प्रतिनिधि सभा सदस्य नै उम्मेदवार रहेकाले मैले प्रतिस्पर्धी उम्मेदवारबारे टिप्पणी नगर्ने प्रतिबद्धता यसअघि नै गरिसकेको स्मरण गराए। बिर्तामोडमा आज रवि लामिछानेजीले 'जनताको आवाज उठाउँदा माइक काट्ने सभामुख' भनेर आफूविरूद्ध घृणा फैलाउने काम गरेको भन्दै घिमिरेले विज्ञप्तिमार्फत आपत्ति जनाएका हुन्। उनले माइक काट्ने/काटिने विषय सभामुखको व्यक्तिगत विचारले नभई संसदमा पूर्वनिर्धारित समय र नियमावली अनुसार गरिने उनको स्पष्टोक्ति छ।
‘बिर्तामोडमा आज रवि लामिछानेजीले 'जनताको आवाज उठाउँदा माइक काट्ने सभामुख' भनेर म विरूद्ध घृणा फैलाउने काम गर्नुभएछ। लोकतान्त्रिक अभ्यासमा, उम्मेदवार वा दलले आफ्नो कार्यक्रम, योजना र जनताका लागि आफ्ना एजेन्डाहरू प्रस्तुत गर्दछन्। घृणा, व्यक्तिगत आरोप वा विभाजन फैलाउने कुरा चुनावी प्रतिस्पर्धामा लामो समयसम्म टिक्दैन।’ उनले भनेका छन्, ‘जहाँसम्म संसदमा हरेक सदस्यले आफ्नो अभिव्यक्ति गर्ने अधिकार छ। तर, संसदीय अभ्यास अनुसार सबै वक्ताहरूको वक्तव्यलाई समान अवसर दिन र क्रमिक रूपमा छलफल सम्पन्न गर्न समय निर्धारण हुन्छ। माइक काट्ने/काटिने विषय सभामुखको व्यक्तिगत विचारले होइन, संसदमा पूर्वनिर्धारित समय र नियमावली अनुसार गरिएको हुन्छ।’
निवर्तमान सभामुख घिमिरेले आफूले मात्र नभई उपसभामुख वा सभाको चेयर गरिरहेका अन्य माननीय भएका बेलामा पनि माइक काटिएको उल्लेख गरे।
विज्ञप्तिमा भनिएको छ, ‘संसदीय अभ्यासको सामान्य जानकारी हुनेले यति कुरा नबुझ्ने भन्ने हुँदैन। उहाँ संसदको अभ्यास गरेर आउनुभएको व्यक्ति हो। संसदको वेबसाइटमा गएर हेर्न सकिन्छ- मैलेमात्र होइन उपसभामुख वा सभाको चेयर गरिरहेका अन्य माननीय भएका बेलामा पनि माइक काटिएको छ। अझ बढी काटिएको हुनुपर्दछ।’
