: नेपाली कांग्रेसका सभापति गगन कुमार थापाले रास्वपाका नेता अमरेशकुमार सिंहलाई बधाई दिएका छन्। सर्लाही निर्वाचन क्षेत्र नम्बर ४ बाट प्रतिनिधि सभा सदस्यमा डा. सिंह विजयी भएपछि थापाले बधाई तथा शुभकामना दिएका हुन् ।
उनले सर्लाही -४ का जनताबाट पाएको माया, विश्वास र दिएको मतको कदर गर्दै सबै मतदाताप्रति कृतज्ञता व्यक्त गरेका छन् । उनले सामाजिक सञ्जाल फेसबुकमा लेखेका छन्, 'सर्लाही क्षेत्र नम्बर ४ बाट निर्वाचित हुनुभएकोमा डा। अमरेश सिंहलाई हार्दिक बधाई तथा शुभकामना १
मलाई माया, विश्वास र मत दिनुहुने यस क्षेत्रका सम्पूर्ण मतदाताप्रति हार्दिक कृतज्ञता व्यक्त गर्दछु। यस क्षेत्रमा मैले देखेका समस्याहरूको सम्बोधन गर्न, मेरो पहल र क्षमताभित्रबाट सम्भव हुने कामहरू निरन्तर रूपमा गरिरहनेछु।'
थापाले आफू निर्वाचित नभएपनि सर्लाही -४ का जनताको समस्यालाई सम्बोधन गर्न सकेको पहल गर्ने बताएका छन् ।
अमरेशकुमार सिंहले १२ हजारभन्दा बढी मतले थापालाई पराजित गरेका हुन्। अमरेशले ३५ हजार ६ सय ८८ मत प्राप्त गर्दा थापाले २२ हजार ८ सय ३१ मत प्राप्त गरे । तेस्रो स्थानमा ९ हजार ३ सय ४३ मतका साथ एमालेका अमनिश कुमार यादव रहेका छन् ।
विशेष महाधिवेशनबाट थापा कांग्रेस सभापतिमा निर्वाचित भएका थिए। उनी निर्वाचित भएपछि कांग्रेस २.० अभियान चलाएपनि त्यसको प्रभाव पर्न नसकेको निर्वाचनको नतिजाले देखाएको छ।
