: काठमाडौं महानगरपालिका-१३ बाफलमा मोटरसाइकल र स्कुटर ठोकिँदा महिलाको मृत्यु भएको छ। मृत्यु हुनेमा स्कुटरमा सवार काठमाडौं महानगरपालिका-१४ कलंकी बस्ने नवलपरासी पूर्व घर भई भएकी ५० वर्षीया पिन्की देवी रौनियार रहेकी छन्।
बा.प्र.०२-०४९ प १६३५ नम्बरको मोटरसाइकल र लु.७९ प ३४९ नम्बरको स्कुटर एकआपसमा ठक्कर खाई सोमबार बिहान दुर्घटना भएको थियो।
दुर्घटनामा गम्भीर घाइते भएकी उनको राष्ट्रिय ट्रमा सेन्टरमा उपचारका क्रममा मृत्यु भएको हो। साथै दुर्घटनामा घाइते भएकी स्कुटर चालकको सोही अस्पतालमा र मोटरसाइकल चालकको शहीद मेमोरियल अस्पताल कलंकीमा उपचार भइरहेको छ।
दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।
