: आफ्नै बुवाको हत्या गरी फरार रहेका सुनसरीको धरान उपमहानगरपालिका–१७ का ३८ वर्षीय देवेन्द्र कुलुङलाई ७ वर्षपछि प्रहरीले पक्राउ गरेको छ।
कुलुङलाई मंगलबार इटहरी उपमहानगरपालिका–९ स्थित ट्याङ्ग्रा खोला नजिकबाट पक्राउ गरिएको इलाका प्रहरी कार्यालय धरानका डीएसपी भीषण बाबु राईका बताए।
२०७५ साउन २९ गते कुलुङले आफ्नै बुवा हरि शंकर राईलाई कुटपिट गरेका थिए। कुटपिटबाट गम्भीर घाइते भएका राईको उपचारका क्रममा २०७५ भदौ ४ गते मृत्यु भएको थियो। घटनापछि कुलुङ फरार रहेका थिए।
बाबुको मृत्यु भएपछि ज्यान मुद्दामा फरार रहेका उनलाई लामो समयको खोजीपछि पक्राउ गरिएको डीएसपी राईले बताए। पक्राउ परेका कुलुङलाई प्रहरी हिरासतमा राखेर घटनाबारे थप अनुसन्धान भइरहेको प्रहरीले जनाएको छ।
