: इरान विरुद्धको सैन्य अभियान सुरु भएदेखि हालसम्म करिब १४० अमेरिकी सैनिकहरू घाइते भएको अमेरिकाको रक्षा मन्त्रालय ‘पेन्टागन’ले जानकारी दिएको छ । पेन्टागनका प्रवक्ता सीन पारनेलका अनुसार घाइतेमध्ये आठ जनाको अवस्था गम्भीर छ।
'अपरेशन एपिक फ्युरी' सुरु भएको १० दिनको निरन्तर आक्रमणमा १४० अमेरिकी सैनिक घाइते भएका छन्। धेरैजसो सैनिकहरू सामान्य घाइते भएका छन् र १०८ जना डिउटीमा फिर्ता भइसकेका छन्। आठ जना सैनिक भने अझै गम्भीर घाइतेको सूचीमा छन् र उनीहरूको उच्च स्तरको उपचार भइरहेको छ।' प्रवक्ता पारनेलले जारी गरेकाे विज्ञप्ति उल्लेख गरिएकाे छ ।
एक अमेरिकी अधिकारीले सिएनएनलाई बताए अनुसार, गम्भीर घाइतेको सूचीमा रहेका सैनिकहरूको मृत्यु हुने सम्भावना समेत छ। यस युद्धमा हालसम्म सात अमेरिकी सैनिक मारिएका छन्। पछिल्लो पटक ज्यान गुमाउने सैनिकको शव सोमबार साँझ डेलावेयरको डोभर एयर फोर्स बेसमा ल्याइएको छ, भने घाइतेहरूको संख्या समय अनुसार बढ्न सक्ने पेन्टागनले बताएको छ ।
