मुख्य समाचार
दादुराको संक्रमण बढेपछि प्रदेश जनस्वास्थ्य कार्यालय बागलुङले नगरपालिकाभित्रका ६ हजार ७ सय बालबालिकालाई दादुराबिरुद्धको खोप लगाउने
दादुराको संक्रमण बढेपछि प्रदेश जनस्वास्थ्य कार्यालय बागलुङले नगरपालिकाभित्रका ६ हजार ७ सय बालबालिकालाई दादुराबिरुद्धको खोप लगाउने

बागलुङ —

ढोरपाटन क्षेत्रमा दादुराको संक्रमण बढेपछि प्रदेश जनस्वास्थ्य कार्यालय बागलुङले नगरपालिकाभित्रका ६ हजार ७ सय बालबालिकालाई दादुराबिरुद्धको खोप लगाउने भएको छ ।

उमेर समूहअनुसार जन्मेको १५ महिनाभित्रका बालबालिकालाई दादुराको खोप लगाउनुपर्ने प्रावधान छ । तर, यहाँका बालबालिकाले समयमा खोप लगाएको हो वा होइन भन्ने यकिन नभएको र विविध कारणले गाउँमै संक्रमण फैलिएपछि खोप लगाइने भएको कार्यालयका प्रमुख प्रवीण शर्माले बताए ।

स्वास्थ्य तथा जनसंख्या मन्त्रालयले यहाँ दादुराविरुद्धको खोप लगाउन सहयोग गर्ने भएको छ । नगरभित्रका १० देखि २० वर्ष उमेर समूहका बालबालिका र किशोर किशोरीमा दादुराको प्रकोप देखिएको हो । स्वास्थ्य सेवा विभागका बाल स्वास्थ्य तथा खोप शाखा प्रमुख डा. अभियान गौतमका अनुसार राष्ट्रिय जनस्वास्थ्य प्रयोगशालामा गरिएको परीक्षणमा ढोरपाटन नगरपालिकाभित्रका धेरै बालबालिकालाई दादुरा लागेको पुष्टि भएको थियो ।

उपचारपछि घर फर्केका बाहेक अझै यहाँ ५६ जना बालबालिकामा दादुरा संक्रमण बाँकी छ । उनीहरू उपचाररत छन् । उनीहरूलाई धौलागिरि अस्पतालबाट गएका चिकित्सक र स्वास्थ्यकर्मी तथा बुर्तिवाङ अस्पतालका स्वास्थ्यकर्मीले पनि आइसोलेसनमा राखेर उपचार गराएका छन् । यहाँ विश्व स्वास्थ्य संगठनको टोलीसमेत आएर अनुसन्धान गरिरहेको छ ।

गौतमका अनुसार एक जना संक्रमितले १८ जनासम्मलाई दादुरा सार्न सक्ने भएकाले आइसोलेसनमा राखेर उपचार गर्नुपरेको हो । कार्यालयका प्रमुख शर्माले पनि यो रोग निवारणका लागि सक्दो प्रयास भइरहेको बताए । ‘संक्रमण बढ्न नदिने, रोग लागेकाहरूलाई आइसोलेसनमा राखेर उपचार गर्ने र खोप लगाएर रोग निर्मूल पार्ने काम गरिँदैछ,’ शर्माले भने, ‘यस वर्षभित्रै दादुरा रुवेला रोग निर्मूल पार्ने अभियान संचालन भैरहेको छ ।’ अभियानकै क्रममा रोग देखिएकाले उपचार र निवारण अभियानमा थप अध्ययन र अनुसन्धान गर्दै उपचारसमेत गर्न सकिने उनले बताए ।

गण्डकी प्रदेश सरकारले आइसोलेसनका लागि बेड र उपकरण तथा औषधि समेत पठाएपछि बुर्तिवाङ अस्पताल र गाउँमा पनि बिरामीको उपचार सम्भव भएको हो । अझै १४ जना बिरामीको परीक्षण रिपोर्ट आउन बाँकी रहेको बताइएको छ । दादुरा संक्रमण बढेकै कारण ढोरपाटन नगरपालिकाले सोमबारदेखि शुक्रबारसम्म विद्यालय बन्द गरेर खोप लगाउने तालिका बनाएको नगर स्वास्थ्य शाखाका प्रमुख भूमिश्वर शर्माले बताए ।

कक्षा ६ देखि १२ मा पढ्ने ३ हजार ६ सय ८९ जना, त्यसभन्दा माथि १६ देखि १९ वर्ष समूहका र विद्यालय बीचैमा छाडेकाहरूलाई पनि खोजी गरी खोप लगाउने लक्ष्यले ७ हजार खोप मगाइएको उनले बताए । ‘खोपको तयारी गर्न शुक्रबारसम्म विद्यालय बिदा गरियो, शुक्रबार खोप लगाउन बालबालिका विद्यालय ल्याउन अभिभावकलाई सूचना पठाएका छौं,’ शर्माले भने, ‘अहिले पनि दैनिक ३ देखि ४ जना बिरामी थपिइरहेका छन्, त्यसैले उपचारलाई प्रभावकारी नबनाई कक्षा संचालन संभव छैन ।’ आउने शनिबार र आइतबार पनि समुदायमा छुटेका बालबालिकालाई खोप लगाउन स्वास्थ्यकर्मीहरू घरघरै जानेछन् । उनका अनुसार बुधबार पनि २ जना नयाँ बिरामी थपिएका छन् ।

प्रतिक्रिया दिनुहोस्
अन्य समाचारहरु
। नेपाली कांग्रेसका सभापति गगनकुमार थापाले राष्ट्रिय विभूति महागुरु फाल्गुनन्दको जन्मजयन्तीका अवसरमा उनीप्रति हार्दिक श्रद्धासुमन व्यक्त गरेका छन्। बुधबार सामाजिक सञ्जालमार्फत एक सन्देश जारी गर्दै सभापति थापाले ‘सत्यधर्म मुचुल्का’ मार्फत समाज सुधार तथा किराँत धर्म र संस्कृतिको मौलिक पहिचान एवं संरक्षणमा फाल्गुनन्दले पुर्‍याएको योगदान अतुलनीय रहेको स्मरण गरेका छन्। महागुरु फाल्गुनन्दले देखाएको सत्य, अहिंसा, समानता, सदाचार र ...
: परराष्ट्रमन्त्री शिशिर खनालले तुर्कीएको आन्ताल्यामा सोमबारबाट सुरू भएको जलवायु परिवर्तनसम्बन्धी संयुक्त राष्ट्रसंघीघीय सम्मेलन (कोप-३१) मा नेपाल पेभिलियनको उद्घाटन गरेका छन्। नेपालको जलवायु महत्वाकांक्षा, जैविक विविधता संरक्षणका क्षेत्रमा हासिल गरेका उपलब्धि तथा समुदायस्तरमा सञ्चालन गरिएका अनुकूलनका प्रयासहरूलाई अन्तर्राष्ट्रिय समुदायमाझ प्रस्तुत गर्ने उद्देश्यले नेपाल पेभिलियन स्थापना गरिएको हो। पभेलियन उद्घाटन समारोहलाई सम्बोधन गर्दै परराष्ट्रमन्त्री खनालले संवेदनशील हिमाली ...
। रोटरी इन्टरनेसनल, डिस्ट्रिक्ट ३२९२ ले सञ्चालन गरेको देशव्यापी मेगा रक्तदान अभियानमा ५१९ ‘पिन्ट’ रगत सङ्कलन भएको छ । यही कात्तिक २० र २१ गते आयोजित अभियानमा एक हजारभन्दा बढी व्यक्तिको सहभागिता रहेको डिस्ट्रिक्ट गभर्नर रोटेरियन विष्णुबहादुर कार्कीले जानकारी दिए। अभियानअन्तर्गत रोटरी क्लब अफ मध्यपुरले चापाचो–थिमीमा, रोटरी क्लब अफ दाङले कौशी क्याफेमा तथा रोटरी क्लब अफ ...
। स्वास्थ्य बीमा कार्यक्रममा नागरिकको सामूहिक आबद्धता तथा नवीकरण अब प्रदेश र स्थानीय तहबाटै डिजिटल माध्यमबाट गर्न सकिने भएको छ । स्वास्थ्य बीमा बोर्डले प्रदेश र स्थानीय तहबाटै अनलाइन माध्यमबाट यस्तो सेवा लिन सकिने व्यवस्था सुरु गरेको छ । बोर्डले एचआईबी ई–पोर्टलमार्फत प्रदेश तथा स्थानीय तहका लागि डिजिटल सामूहिक आबद्धता र नवीकरण सेवा सञ्चालनमा ल्याएको हो । पहिलो ...
। नेपाल रेडक्रस सोसाइटीले रक्तदानका लागि विशेष अनुरोध गरेका छ । नेपालीहरूको महान चाड बडादशैंको लामो बिदा भएसँगै केन्द्रीय रक्तसञ्चार सेवामा रक्तदान कार्यक्रमहरू नभएको र अस्पतालमा उपचारार्थ बिरामीका लागि आवश्यक रगतको माग दिनानुदिन उच्च हुँदै गइरहेकोले रक्तदानका लागि रेडक्रसले विशेष अनुरोध गरेको हो । नेपाल रेडक्रस सोसाइटी केन्द्रीय रक्तसञ्चार सेवाका प्रमुख डाक्टर प्रकाश यादवका अनुसार रक्तसञ्चार केन्द्रमा ...